ਚੌਪਈ ॥
Choupaee ॥
ਹੰਸ ਧੁਜਾ ਰਾਜਾ ਇਕ ਅਤਿ ਬਲ ॥
Haansa Dhujaa Raajaa Eika Ati Bala ॥
ਅਰਿ ਅਨੇਕ ਜੀਤੇ ਜਿਨ ਦਲਿ ਮਲਿ ॥
Ari Aneka Jeete Jin Dali Mali ॥
ਸੁਖਦ ਮਤੀ ਤਾ ਕੀ ਰਾਨੀ ਇਕ ॥
Sukhda Matee Taa Kee Raanee Eika ॥
ਜਾ ਕੀ ਪ੍ਰਭਾ ਕਹਤ ਬਨਿਤਾਨਿਕ ॥੧॥
Jaa Kee Parbhaa Kahata Banitaanika ॥1॥
ਤਾ ਕੀ ਸੁਤਾ ਸੁਖ ਮਤੀ ਸੁਨੀ ॥
Taa Kee Sutaa Sukh Matee Sunee ॥
ਜਾ ਸਮ ਔਰ ਨ ਅਬਲਾ ਗੁਨੀ ॥
Jaa Sama Aour Na Abalaa Gunee ॥
ਜੋਬਨ ਅਧਿਕ ਤਵਨ ਕੋ ਰਾਜਤ ॥
Joban Adhika Tavan Ko Raajata ॥
ਜਿਹ ਮੁਖਿ ਨਿਰਖਿ ਚੰਦ੍ਰਮਾ ਲਾਜਤ ॥੨॥
Jih Mukhi Nrikhi Chaandarmaa Laajata ॥2॥
ਨਾਗਰ ਕੁਅਰ ਨਗਰ ਕੋ ਰਾਜਾ ॥
Naagar Kuar Nagar Ko Raajaa ॥
ਜਾ ਸਮ ਦੁਤਿਯ ਨ ਬਿਧਨਾ ਸਾਜਾ ॥
Jaa Sama Dutiya Na Bidhanaa Saajaa ॥
ਕਰਤ ਸਿਕਾਰ ਕੈਸਹੂੰ ਆਯੋ ॥
Karta Sikaara Kaisahooaan Aayo ॥
ਨ੍ਰਿਪ ਦੁਹਿਤਾ ਗ੍ਰਿਹ ਤਰ ਹ੍ਵੈ ਧਾਯੋ ॥੩॥
Nripa Duhitaa Griha Tar Havai Dhaayo ॥3॥
ਰਾਜ ਕੁਅਰਿ ਨਿਰਖਤਿ ਤਾ ਕੀ ਛਬਿ ॥
Raaja Kuari Nrikhti Taa Kee Chhabi ॥
ਮਦ ਕਰਿ ਮਤ ਰਹੀ ਛਬਿ ਤਰ ਦਬਿ ॥
Mada Kari Mata Rahee Chhabi Tar Dabi ॥
ਪਾਨ ਪੀਕ ਤਾ ਕੇ ਪਰ ਡਾਰੀ ॥
Paan Peeka Taa Ke Par Daaree ॥
ਮੋ ਸੌ ਕਰੈ ਕੈਸਹੂੰ ਯਾਰੀ ॥੪॥
Mo Sou Kari Kaisahooaan Yaaree ॥4॥
ਨਾਗਰ ਕੁਅਰ ਪਲਟਿ ਤਿਹ ਲਹਾ ॥
Naagar Kuar Palatti Tih Lahaa ॥
ਤਾਹਿ ਬਿਲੋਕ ਉਰਝਿ ਕਰਿ ਰਹਾ ॥
Taahi Biloka Aurjhi Kari Rahaa ॥
ਨੈਨਨ ਨੈਨ ਮਿਲੇ ਦੁਹੂੰਅਨ ਕੇ ॥
Nainn Nain Mile Duhooaann Ke ॥
ਸੋਕ ਸੰਤਾਪ ਮਿਟੇ ਸਭ ਮਨ ਕੇ ॥੫॥
Soka Saantaapa Mitte Sabha Man Ke ॥5॥
ਰੇਸਮ ਰਸੀ ਡਾਰਿ ਤਰ ਦੀਨੀ ॥
Resama Rasee Daari Tar Deenee ॥
ਪੀਰੀ ਬਾਧਿ ਤਵਨ ਸੌ ਲੀਨੀ ॥
Peeree Baadhi Tavan Sou Leenee ॥
ਐਂਚਿ ਤਾਹਿ ਨਿਜ ਧਾਮ ਚੜਾਯੋ ॥
Aainachi Taahi Nija Dhaam Charhaayo ॥
ਮਨ ਬਾਛਤ ਪ੍ਰੀਤਮ ਕਹ ਪਾਯੋ ॥੬॥
Man Baachhata Pareetma Kaha Paayo ॥6॥