ਅੜਿਲ ॥
Arhila ॥
ਕਿਲਮਾਕਨ ਕੇ ਦੇਸ ਇੰਦ੍ਰ ਧੁਜ ਨ੍ਰਿਪਤਿ ਬਰ ॥
Kilamaakan Ke Desa Eiaandar Dhuja Nripati Bar ॥
ਸ੍ਰੀ ਕਿਲਮਾਕ ਮਤੀ ਰਾਨੀ ਜਿਹ ਬਸਤ ਘਰ ॥
Sree Kilamaaka Matee Raanee Jih Basata Ghar ॥
ਪੁਨ ਮਾਸੂਕ ਮਤੀ ਦੁਹਿਤਾ ਤਾ ਕੈ ਭਈ ॥
Puna Maasooka Matee Duhitaa Taa Kai Bhaeee ॥
ਹੋ ਜਨੁਕ ਚੰਦ੍ਰ ਕੀ ਕਲਾ ਦੁਤਿਯ ਜਗ ਮੈ ਵਈ ॥੧॥
Ho Januka Chaandar Kee Kalaa Dutiya Jaga Mai Vaeee ॥1॥
ਸੌਦਾ ਹਿਤ ਸੌਦਾਗਰ ਤਹ ਇਕ ਆਇਯੋ ॥
Soudaa Hita Soudaagar Taha Eika Aaeiyo ॥
ਜਨੁ ਸਸਿ ਕੋ ਅਵਿਤਾਰ ਮਦਨ ਉਪਜਾਇਯੋ ॥
Janu Sasi Ko Avitaara Madan Aupajaaeiyo ॥
ਅਧਿਕ ਜੁਬਨ ਕੀ ਜੇਬ ਬਿਧਾਤੈ ਦਈ ਤਿਹ ॥
Adhika Juban Kee Jeba Bidhaatai Daeee Tih ॥
ਹੋ ਸੁਖ ਪਾਵਤ ਸੁਰ ਅਸੁਰ ਨਿਹਾਰੇ ਕ੍ਰਾਂਤਿ ਜਿਹ ॥੨॥
Ho Sukh Paavata Sur Asur Nihaare Karaanti Jih ॥2॥
ਏਕ ਦਿਵਸ ਨ੍ਰਿਪ ਸੁਤਾ ਝਰੋਖੇ ਆਇ ਕੈ ॥
Eeka Divasa Nripa Sutaa Jharokhe Aaei Kai ॥
ਬੈਠਤ ਭੀ ਚਿਤ ਲਗੇ ਸੁ ਬੈਸ ਬਨਾਇ ਕੈ ॥
Baitthata Bhee Chita Lage Su Baisa Banaaei Kai ॥
ਸਾਹੁ ਪੁਤ੍ਰ ਤਹ ਆਇ ਦਿਖਾਈ ਦੈ ਗਯੋ ॥
Saahu Putar Taha Aaei Dikhaaeee Dai Gayo ॥
ਹੋ ਯਾ ਮਾਨਨਿ ਕੋ ਮਨਹਿ ਮਨੋ ਹਰਿ ਲੈ ਗਯੋ ॥੩॥
Ho Yaa Maanni Ko Manhi Mano Hari Lai Gayo ॥3॥
ਰਾਜ ਕੁਅਰਿ ਲਖਿ ਰੂਪ ਰਹੀ ਉਰਝਾਇ ਕਰਿ ॥
Raaja Kuari Lakhi Roop Rahee Aurjhaaei Kari ॥
ਪਠੈ ਸਹਚਰੀ ਤਹਾ ਬਹੁਤ ਧਨ ਦ੍ਯਾਇ ਕਰਿ ॥
Patthai Sahacharee Tahaa Bahuta Dhan Daiaaei Kari ॥
ਸਾਹੁ ਸੁਤਹਿ ਕ੍ਯੋਹੂੰ ਬਿਧਿ ਜੋ ਹ੍ਯਾ ਲ੍ਯਾਇ ਹੈ ॥
Saahu Sutahi Kaiohooaan Bidhi Jo Haiaa Laiaaei Hai ॥
ਹੋ ਜੋ ਮਾਂਗੇ ਮੁਹਿ ਤੂ ਸੋ ਅਬ ਹੀ ਪਾਇ ਹੈ ॥੪॥
Ho Jo Maange Muhi Too So Aba Hee Paaei Hai ॥4॥
ਸੁਨਤ ਕੁਅਰਿ ਕੋ ਬਚਨ ਸਖੀ ਤਹ ਜਾਇ ਕੈ ॥
Sunata Kuari Ko Bachan Sakhee Taha Jaaei Kai ॥
ਮਨ ਭਾਵਤ ਪਿਯ ਯਾ ਕਹ ਦਿਯਾ ਮਿਲਾਇ ਕੈ ॥
Man Bhaavata Piya Yaa Kaha Diyaa Milaaei Kai ॥
ਚੌਰਾਸੀ ਆਸਨ ਸੁ ਬਿਬਿਧ ਬਿਧਿ ਕੈ ਲੀਏ ॥
Chouraasee Aasan Su Bibidha Bidhi Kai Leeee ॥
ਹੋ ਚਿਤ ਕੇ ਸੋਕ ਸੰਤਾਪ ਬਿਦਾ ਸਭ ਕਰ ਦੀਏ ॥੫॥
Ho Chita Ke Soka Saantaapa Bidaa Sabha Kar Deeee ॥5॥
ਛੈਲ ਛੈਲਨੀ ਛਕੇ ਨ ਛੋਰਤ ਏਕ ਛਿਨ ॥
Chhaila Chhailanee Chhake Na Chhorata Eeka Chhin ॥
ਜਨੁਕ ਨਵੌ ਨਿਧਿ ਰਾਂਕ ਸੁ ਪਾਈ ਆਜੁ ਤਿਨ ॥
Januka Navou Nidhi Raanka Su Paaeee Aaju Tin ॥
ਚਿੰਤਾਤੁਰ ਚਿਤ ਭਈ ਬਿਚਾਰ ਬਿਚਾਰਿ ਕੈ ॥
Chiaantaatur Chita Bhaeee Bichaara Bichaari Kai ॥
ਹੋ ਸਦਾ ਬਸੌ ਸੁਖ ਸਾਥ ਪਿਯਰਵਾ ਯਾਰਿ ਕੈ ॥੬॥
Ho Sadaa Basou Sukh Saatha Piyarvaa Yaari Kai ॥6॥
ਭੇਖ ਪੁਰਖ ਸਹਚਰਿ ਕਰਿ ਦਈ ਪਠਾਇ ਕੈ ॥
Bhekh Purkh Sahachari Kari Daeee Patthaaei Kai ॥
ਤਾ ਕੇ ਪਿਤੁ ਕੇ ਪਾਸ ਯੌ ਕਹਿਯਹੁ ਜਾਇ ਕੈ ॥
Taa Ke Pitu Ke Paasa You Kahiyahu Jaaei Kai ॥
ਬੂਡਿ ਮਰਾ ਤਵ ਸੁਤ ਹਮ ਆਂਖਿਨ ਸੌ ਲਹਾ ॥
Boodi Maraa Tava Suta Hama Aanakhin Sou Lahaa ॥
ਹੋ ਬਹਤ ਨਦੀ ਮਹਿ ਗਯੋ ਨ ਕਰ ਕਿਨਹੂੰ ਗਹਾ ॥੭॥
Ho Bahata Nadee Mahi Gayo Na Kar Kinhooaan Gahaa ॥7॥
ਸਾਹੁ ਸੁਨਤ ਇਹ ਭਾਂਤਿ ਉਠਾ ਅਕੁਲਾਇ ਕੈ ॥
Saahu Sunata Eih Bhaanti Autthaa Akulaaei Kai ॥
ਸਰਿਤਾ ਤੀਰ ਪੁਕਾਰਤ ਆਤੁਰ ਜਾਇ ਕੈ ॥
Saritaa Teera Pukaarata Aatur Jaaei Kai ॥
ਲੋਟਤ ਲੋਟਤ ਭੂ ਪਰ ਇਤ ਤੇ ਉਤ ਗਯੋ ॥
Lottata Lottata Bhoo Par Eita Te Auta Gayo ॥
ਹੋ ਮਾਲ ਮਤਾਹ ਲੁਟਾਇ ਅਥਿਤ ਹ੍ਵੈ ਜਾਤ ਭਯੋ ॥੮॥
Ho Maala Mataaha Luttaaei Athita Havai Jaata Bhayo ॥8॥
ਵਹੀ ਸਖੀ ਯਾ ਪਹਿ ਇਹ ਭਾਂਤਿ ਉਚਾਰਿਯੋ ॥
Vahee Sakhee Yaa Pahi Eih Bhaanti Auchaariyo ॥
ਤਵ ਪਿਤੁ ਹ੍ਵੈ ਕਰਿ ਅਤਿਥ ਸੁ ਬਨਹਿ ਪਧਾਰਿਯੋ ॥
Tv Pitu Havai Kari Atitha Su Banhi Padhaariyo ॥
ਮਾਲ ਮਤਾਹਿ ਲੁਟਾਇ ਜਾਤ ਬਨ ਕੌ ਭਯੋ ॥
Maala Mataahi Luttaaei Jaata Ban Kou Bhayo ॥
ਹੋ ਰਾਜ ਕੁਅਰਿ ਕੇ ਧਾਮ ਸੌਪਿ ਤੁਮ ਕਹ ਗਯੋ ॥੯॥
Ho Raaja Kuari Ke Dhaam Soupi Tuma Kaha Gayo ॥9॥
ਪਿਤੁ ਤੇ ਭਯੋ ਨਿਰਾਸ ਰਹਤ ਤਿਹ ਗ੍ਰਿਹ ਭਯੋ ॥
Pitu Te Bhayo Niraasa Rahata Tih Griha Bhayo ॥
ਦੇਸ ਮਾਲ ਸੁਖ ਪਾਇ ਬਿਸਰਿ ਸਭ ਹੀ ਗਯੋ ॥
Desa Maala Sukh Paaei Bisari Sabha Hee Gayo ॥
ਕਾਜ ਕਰਤ ਸੋਈ ਭਯੋ ਕੁਅਰਿ ਜੋ ਤਿਹ ਕਹਿਯੋ ॥
Kaaja Karta Soeee Bhayo Kuari Jo Tih Kahiyo ॥
ਹੋ ਇਹ ਛਲ ਸੇਤੀ ਛਲਾ ਸਦਾ ਤਾ ਕੇ ਰਹਿਯੋ ॥੧੦॥
Ho Eih Chhala Setee Chhalaa Sadaa Taa Ke Rahiyo ॥10॥
ਅਪਨੋ ਧਾਮ ਬਿਸਾਰਿ ਕੁਅਰਿ ਚਿਤ ਤੇ ਦਯੋ ॥
Apano Dhaam Bisaari Kuari Chita Te Dayo ॥
ਬਹੁਤ ਕਾਲ ਸੁਖ ਪਾਇ ਰਹਤ ਤਿਹ ਗ੍ਰਿਹ ਭਯੋ ॥
Bahuta Kaal Sukh Paaei Rahata Tih Griha Bhayo ॥
ਭੇਦ ਨ ਦੂਜੇ ਕਾਨ ਕਿਨੂੰ ਨਰ ਜਾਨਿਯੋ ॥
Bheda Na Dooje Kaan Kinooaan Nar Jaaniyo ॥
ਹੋ ਸਾਹੁ ਪੁਤ੍ਰ ਸੌ ਅਧਿਕ ਕੁਅਰਿ ਰਸ ਠਾਨਿਯੋ ॥੧੧॥
Ho Saahu Putar Sou Adhika Kuari Rasa Tthaaniyo ॥11॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਦੋਇ ਸੌ ਬਾਸਠ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੨੬੨॥੪੯੫੧॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Doei Sou Baasattha Charitar Samaapatama Satu Subhama Satu ॥262॥4951॥aphajooaan॥