ਚੌਪਈ ॥
Choupaee ॥
ਬਿਜੈ ਨਗਰ ਇਕ ਰਾਇ ਬਖਨਿਯਤ ॥
Bijai Nagar Eika Raaei Bakhniyata ॥
ਜਾ ਕੋ ਤ੍ਰਾਸ ਦੇਸ ਸਭ ਮਨਿਯਤ ॥
Jaa Ko Taraasa Desa Sabha Maniyata ॥
ਬਿਜੈ ਸੈਨ ਜਿਹ ਨਾਮ ਨ੍ਰਿਪਤਿ ਬਰ ॥
Bijai Sain Jih Naam Nripati Bar ॥
ਬਿਜੈ ਮਤੀ ਰਾਨੀ ਜਿਹ ਕੇ ਘਰ ॥੧॥
Bijai Matee Raanee Jih Ke Ghar ॥1॥
ਅਜੈ ਮਤੀ ਦੂਸਰਿ ਤਿਹ ਰਾਨੀ ॥
Ajai Matee Doosari Tih Raanee ॥
ਜਾ ਕੇ ਕਰ ਨ੍ਰਿਪ ਦੇਹਿ ਬਿਕਾਨੀ ॥
Jaa Ke Kar Nripa Dehi Bikaanee ॥
ਬਿਜੈ ਮਤੀ ਕੇ ਸੁਤ ਇਕ ਧਾਮਾ ॥
Bijai Matee Ke Suta Eika Dhaamaa ॥
ਸ੍ਰੀ ਸੁਲਤਾਨ ਸੈਨ ਤਿਹ ਨਾਮਾ ॥੨॥
Sree Sulataan Sain Tih Naamaa ॥2॥
ਬਿਜੈ ਮਤੀ ਕੋ ਰੂਪ ਅਪਾਰਾ ॥
Bijai Matee Ko Roop Apaaraa ॥
ਜਾ ਸੰਗ ਨਹੀ ਨ੍ਰਿਪਤਿ ਕੋ ਪ੍ਯਾਰਾ ॥
Jaa Saanga Nahee Nripati Ko Paiaaraa ॥
ਅਜੈ ਮਤੀ ਕੀ ਸੁੰਦਰਿ ਕਾਯਾ ॥
Ajai Matee Kee Suaandari Kaayaa ॥
ਜਿਨ ਰਾਜਾ ਕੋ ਚਿਤ ਲੁਭਾਯਾ ॥੩॥
Jin Raajaa Ko Chita Lubhaayaa ॥3॥
ਤਾ ਕੇ ਰਹਤ ਰੈਨਿ ਦਿਨ ਪਰਾ ॥
Taa Ke Rahata Raini Din Paraa ॥
ਜੈਸੀ ਭਾਂਤਿ ਗੋਰ ਮਹਿ ਮਰਾ ॥
Jaisee Bhaanti Gora Mahi Maraa ॥
ਦੁਤਿਯ ਨਾਰਿ ਕੇ ਧਾਮ ਨ ਜਾਵੈ ॥
Dutiya Naari Ke Dhaam Na Jaavai ॥
ਤਾ ਤੇ ਤਰੁਨਿ ਅਧਿਕ ਕੁਰਰਾਵੈ ॥੪॥
Taa Te Taruni Adhika Kurraavai ॥4॥
ਆਗ੍ਯਾ ਚਲਤ ਤਵਨ ਕੀ ਦੇਸਾ ॥
Aagaiaa Chalata Tavan Kee Desaa ॥
ਰਾਨੀ ਭਈ ਨ੍ਰਿਪਤਿ ਕੇ ਭੇਸਾ ॥
Raanee Bhaeee Nripati Ke Bhesaa ॥
ਯਹਿ ਰਿਸਿ ਨਾਰਿ ਦੁਤਿਯ ਜਿਯ ਰਾਖੀ ॥
Yahi Risi Naari Dutiya Jiya Raakhee ॥
ਬੋਲਿਕ ਬੈਦ ਪ੍ਰਗਟ ਅਸਿ ਭਾਖੀ ॥੫॥
Bolika Baida Pargatta Asi Bhaakhee ॥5॥
ਯਾ ਰਾਜਾ ਕਹ ਜੁ ਤੈ ਖਪਾਵੈਂ ॥
Yaa Raajaa Kaha Ju Tai Khpaavaina ॥
ਮੁਖ ਮਾਂਗੈ ਮੋ ਤੇ ਸੋ ਪਾਵੈਂ ॥
Mukh Maangai Mo Te So Paavaina ॥
ਤਬ ਚਲਿ ਬੈਦ ਨ੍ਰਿਪਤਿ ਪਹਿ ਗਯੋ ॥
Taba Chali Baida Nripati Pahi Gayo ॥
ਰੋਗੀ ਬਪੁ ਤਿਹ ਕੋ ਠਹਰਯੋ ॥੬॥
Rogee Bapu Tih Ko Tthaharyo ॥6॥
ਜੋ ਤੁਮ ਕਹੋ ਤੁ ਕਰੋ ਉਪਾਈ ॥
Jo Tuma Kaho Tu Karo Aupaaeee ॥
ਜ੍ਯੋਂ ਤ੍ਯੋਂ ਕਹਿ ਤਿਹ ਬਰੀ ਖਵਾਈ ॥
Jaiona Taiona Kahi Tih Baree Khvaaeee ॥
ਰੋਗੀ ਭਯੋ ਅਰੋਗੀ ਤਨ ਸੌ ॥
Rogee Bhayo Arogee Tan Sou ॥
ਭੇਦ ਅਭੇਦ ਨ ਪਾਵਤ ਜੜ ਸੌ ॥੭॥
Bheda Abheda Na Paavata Jarha Sou ॥7॥
ਭਛਤ ਬਰੀ ਪੇਟ ਤਿਹ ਛੂਟਾ ॥
Bhachhata Baree Petta Tih Chhoottaa ॥
ਸਾਵਨ ਜਾਨ ਪਨਾਰਾ ਫੂਟਾ ॥
Saavan Jaan Panaaraa Phoottaa ॥
ਦੂਸਰਿ ਬਰੀ ਥੰਭ ਕੇ ਕਾਜੈ ॥
Doosari Baree Thaanbha Ke Kaajai ॥
ਜੋਰਾਵਰੀ ਖਵਾਈ ਰਾਜੈ ॥੮॥
Joraavaree Khvaaeee Raajai ॥8॥
ਤਾ ਤੇ ਅਧਿਕ ਪੇਟ ਛੁਟਿ ਗਯੋ ॥
Taa Te Adhika Petta Chhutti Gayo ॥
ਜਾ ਤੇ ਬਹੁ ਬਿਹਬਲ ਨ੍ਰਿਪ ਭਯੋ ॥
Jaa Te Bahu Bihbala Nripa Bhayo ॥
ਸੰਨ ਭਯੋ ਇਹ ਬੈਦ ਉਚਾਰਾ ॥
Saann Bhayo Eih Baida Auchaaraa ॥
ਇਹ ਬਿਧ ਕਿਯ ਉਪਚਾਰ ਬਿਚਾਰਾ ॥੯॥
Eih Bidha Kiya Aupachaara Bichaaraa ॥9॥
ਦਸ ਤੋਲੇ ਅਹਿਫੇਨ ਮੰਗਾਈ ॥
Dasa Tole Ahiphena Maangaaeee ॥
ਬਹੁ ਬਿਖਿ ਵਾ ਕੇ ਸੰਗ ਮਿਲਾਈ ॥
Bahu Bikhi Vaa Ke Saanga Milaaeee ॥
ਧੂਰਾ ਕੀਯਾ ਤਵਨ ਕੇ ਅੰਗਾ ॥
Dhooraa Keeyaa Tavan Ke Aangaa ॥
ਚਾਮ ਗਯੋ ਤਾ ਕੇ ਤਿਹ ਸੰਗਾ ॥੧੦॥
Chaam Gayo Taa Ke Tih Saangaa ॥10॥
ਹਾਇ ਹਾਇ ਰਾਜਾ ਜਬ ਕਰੈ ॥
Haaei Haaei Raajaa Jaba Kari ॥
ਤਿਮਿ ਤਿਮਿ ਬੈਦ ਇਹ ਭਾਂਤਿ ਉਚਰੈ ॥
Timi Timi Baida Eih Bhaanti Auchari ॥
ਯਾ ਕਹੁ ਅਧਿਕ ਨ ਬੋਲਨ ਦੇਹੂ ॥
Yaa Kahu Adhika Na Bolan Dehoo ॥
ਮੂੰਦਿ ਬਦਨ ਰਾਜਾ ਕੋ ਲੇਹੂ ॥੧੧॥
Mooaandi Badan Raajaa Ko Lehoo ॥11॥
ਜਿਮਿ ਜਿਮਿ ਧੂਰੋ ਤਿਹ ਤਨ ਪਰੈ ॥
Jimi Jimi Dhooro Tih Tan Pari ॥
ਹਾਇ ਹਾਇ ਤਿਮ ਨ੍ਰਿਪਤਿ ਉਚਰੈ ॥
Haaei Haaei Tima Nripati Auchari ॥
ਭੇਦ ਅਭੇਦ ਨ ਕਿਨਹੂੰ ਚੀਨੋ ॥
Bheda Abheda Na Kinhooaan Cheeno ॥
ਇਹ ਛਲ ਪ੍ਰਾਨ ਤਵਨ ਕੋ ਲੀਨੋ ॥੧੨॥
Eih Chhala Paraan Tavan Ko Leeno ॥12॥
ਇਹ ਛਲ ਸਾਥ ਨ੍ਰਿਪਤਿ ਕਹ ਮਾਰਾ ॥
Eih Chhala Saatha Nripati Kaha Maaraa ॥
ਅਪਨੇ ਛਤ੍ਰ ਪੁਤ੍ਰ ਸਿਰ ਢਾਰਾ ॥
Apane Chhatar Putar Sri Dhaaraa ॥
ਸਭ ਸੌਅਨ ਕਹ ਦੇਤ ਨਿਕਾਰਿਯੋ ॥
Sabha Souan Kaha Deta Nikaariyo ॥
ਭੇਦ ਅਭੇਦ ਨ ਕਿਨੂ ਬਿਚਾਰਿਯੋ ॥੧੩॥
Bheda Abheda Na Kinoo Bichaariyo ॥13॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਦੋਇ ਸੌ ਇਕਾਸੀ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੨੮੧॥੫੩੮੯॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Doei Sou Eikaasee Charitar Samaapatama Satu Subhama Satu ॥281॥5389॥aphajooaan॥