ਚੌਪਈ ॥

Choupaee ॥

ਚੰਦ੍ਰ ਚੂੜ ਇਕ ਰਹਤ ਭੂਪਾਲਾ ॥

Chaandar Choorha Eika Rahata Bhoopaalaa ॥

ਅਮਿਤ ਪ੍ਰਭਾ ਜਾ ਕੇ ਗ੍ਰਿਹ ਬਾਲਾ ॥

Amita Parbhaa Jaa Ke Griha Baalaa ॥

ਤਾ ਸੀ ਦੂਸਰਿ ਜਗ ਮਹਿ ਨਾਹੀ ॥

Taa See Doosari Jaga Mahi Naahee ॥

ਨਰੀ ਨਾਗਨੀ ਨਿਰਖਿ ਲਜਾਹੀ ॥੧॥

Naree Naaganee Nrikhi Lajaahee ॥1॥

ਸਾਹਿਕ ਹੁਤੋ ਅਧਿਕ ਧਨਵਾਨਾ ॥

Saahika Huto Adhika Dhanvaanaa ॥

ਜਾ ਸੌ ਧਨੀ ਨ ਜਗ ਮੈ ਆਨਾ ॥

Jaa Sou Dhanee Na Jaga Mai Aanaa ॥

ਅਛਲ ਦੇਇ ਦੁਹਿਤਾ ਤਾ ਕੇ ਘਰ ॥

Achhala Deei Duhitaa Taa Ke Ghar ॥

ਰਹਤ ਪੰਡਿਤਾ ਸਭ ਮਤਿ ਹਰਿ ਕਰਿ ॥੨॥

Rahata Paanditaa Sabha Mati Hari Kari ॥2॥

ਚੰਦ੍ਰ ਚੂੜ ਕੋ ਹੁਤੋ ਪੁਤ੍ਰ ਇਕ ॥

Chaandar Choorha Ko Huto Putar Eika ॥

ਪੜਾ ਬ੍ਯਾਕਰਨ ਅਰੁ ਸਾਸਤ੍ਰ ਨਿਕ ॥

Parhaa Baiaakarn Aru Saastar Nika ॥

ਤਾ ਕੋ ਨਾਮ ਨ ਕਹਬੇ ਆਵੈ ॥

Taa Ko Naam Na Kahabe Aavai ॥

ਲਿਖਤ ਊਖ ਲਿਖਨੀ ਹ੍ਵੈ ਜਾਵੈ ॥੩॥

Likhta Aookh Likhnee Havai Jaavai ॥3॥

ਇਕ ਦਿਨ ਕੁਅਰ ਅਖੇਟਕ ਗਯੋ ॥

Eika Din Kuar Akhettaka Gayo ॥

ਸਾਹੁ ਸੁਤਾ ਕੋ ਨਿਰਖਤ ਭਯੋ ॥

Saahu Sutaa Ko Nrikhta Bhayo ॥

ਵਾ ਕੀ ਲਗੀ ਲਗਨ ਇਹ ਸੰਗਾ ॥

Vaa Kee Lagee Lagan Eih Saangaa ॥

ਮਗਨ ਭਈ ਤਰੁਨੀ ਸਰਬੰਗਾ ॥੪॥

Magan Bhaeee Tarunee Sarabaangaa ॥4॥

ਚਤੁਰਿ ਦੂਤਿ ਇਕ ਤਹਾ ਪਠਾਈ ॥

Chaturi Dooti Eika Tahaa Patthaaeee ॥

ਕਹਿਯਹੁ ਐਸ ਕੁਅਰ ਕਹ ਜਾਈ ॥

Kahiyahu Aaisa Kuar Kaha Jaaeee ॥

ਏਕ ਦਿਵਸ ਮੋਰੇ ਘਰ ਆਵਹੁ ॥

Eeka Divasa More Ghar Aavahu ॥

ਸਾਥ ਹਮਾਰੇ ਭੋਗ ਮਚਾਵਹੁ ॥੫॥

Saatha Hamaare Bhoga Machaavahu ॥5॥

ਤਬ ਵਹੁ ਸਖੀ ਕੁਅਰ ਪਹਿ ਆਈ ॥

Taba Vahu Sakhee Kuar Pahi Aaeee ॥

ਕਹੀ ਕੁਅਰਿ ਸੋ ਤਾਹਿ ਸੁਨਾਈ ॥

Kahee Kuari So Taahi Sunaaeee ॥

ਬਿਹਸਿ ਸਾਜਨ ਇਹ ਭਾਂਤਿ ਉਚਾਰੀ ॥

Bihsi Saajan Eih Bhaanti Auchaaree ॥

ਕਹਿਯਹੁ ਜਾਇ ਐਸ ਤੁਮ ਪ੍ਯਾਰੀ ॥੬॥

Kahiyahu Jaaei Aaisa Tuma Paiaaree ॥6॥

ਇਕ ਅਵਧੂਤ ਸੁ ਛਤ੍ਰ ਨ੍ਰਿਪਾਰਾ ॥

Eika Avadhoota Su Chhatar Nripaaraa ॥

ਸੁਨਿਯਤ ਬਸਤ ਸਮੁਦ ਕੇ ਪਾਰਾ ॥

Suniyata Basata Samuda Ke Paaraa ॥

ਹੈ ਅਵਧੂਤ ਮਤੀ ਦੁਹਿਤਾ ਤਿਹ ॥

Hai Avadhoota Matee Duhitaa Tih ॥

ਅਵਰ ਨ ਘੜੀ ਬਿਧਾਤਾ ਸਮ ਜਿਹ ॥੭॥

Avar Na Gharhee Bidhaataa Sama Jih ॥7॥

ਪ੍ਰਥਮ ਤੂ ਤਿਸੈ ਮੋਹਿ ਮਿਲਾਵੈ ॥

Parthama Too Tisai Mohi Milaavai ॥

ਤਾ ਪਾਛੇ ਮੋ ਸੌ ਪਤਿ ਪਾਵੈ ॥

Taa Paachhe Mo Sou Pati Paavai ॥

ਯੌ ਜੋ ਕੋਟਿ ਉਪਾਵ ਬਨੈ ਹੈ ॥

You Jo Kotti Aupaava Bani Hai ॥

ਤੌ ਮੋ ਸੋ ਨਹਿ ਭੋਗਨ ਪੈ ਹੈ ॥੮॥

Tou Mo So Nahi Bhogan Pai Hai ॥8॥

ਯੌ ਹੀ ਸਖੀ ਜਾਇ ਤਿਹ ਕਹੀ ॥

You Hee Sakhee Jaaei Tih Kahee ॥

ਮਨ ਬਚ ਕੁਅਰਿ ਚਕ੍ਰਿਤ ਹ੍ਵੈ ਰਹੀ ॥

Man Bacha Kuari Chakrita Havai Rahee ॥

ਚਿਤ ਮੌ ਅਨਿਕ ਚਟਪਟੀ ਲਾਗੀ ॥

Chita Mou Anika Chattapattee Laagee ॥

ਤਾਂ ਤੇ ਨੀਂਦ ਭੂਖ ਸਭ ਭਾਗੀ ॥੯॥

Taan Te Neenada Bhookh Sabha Bhaagee ॥9॥

ਸਮੁੰਦਰ ਪਾਰ ਜਾਯੋ ਨਹਿ ਜਾਵੈ ॥

Samuaandar Paara Jaayo Nahi Jaavai ॥

ਤਊ ਕੁਅਰਿ ਕੋ ਸਾਂਤਿ ਨ ਆਵੈ ॥

Taoo Kuari Ko Saanti Na Aavai ॥

ਸਾਜ ਤਹਾ ਚਲਿਬੇ ਕੋ ਕਰਾ ॥

Saaja Tahaa Chalibe Ko Karaa ॥

ਤੀਰਥ ਜਾਤ ਹੌ ਪਿਤਹਿ ਉਚਰਾ ॥੧੦॥

Teeratha Jaata Hou Pitahi Aucharaa ॥10॥

ਸਾਜ ਬਾਜ ਸਭ ਕੀਆ ਤ੍ਯਾਰਾ ॥

Saaja Baaja Sabha Keeaa Taiaaraa ॥

ਤਹ ਹ੍ਵੈ ਚਲੀ ਬਾਜ ਅਸਵਾਰਾ ॥

Taha Havai Chalee Baaja Asavaaraa ॥

ਸੇਤਬੰਧ ਰਾਮੇਸ੍ਵਰ ਗਈ ॥

Setabaandha Raamesavar Gaeee ॥

ਇਹ ਬਿਧਿ ਹ੍ਰਿਦੈ ਬਿਚਾਰਤ ਭਈ ॥੧੧॥

Eih Bidhi Hridai Bichaarata Bhaeee ॥11॥

ਤਾ ਤੇ ਹ੍ਵੈ ਜਹਾਜ ਅਸਵਾਰਾ ॥

Taa Te Havai Jahaaja Asavaaraa ॥

ਗਈ ਸਿੰਗਲਾਦੀਪ ਮਝਾਰਾ ॥

Gaeee Siaangalaadeepa Majhaaraa ॥

ਜਹ ਤਿਹ ਸੁਨਾ ਰਾਜ ਕੋ ਧਾਮਾ ॥

Jaha Tih Sunaa Raaja Ko Dhaamaa ॥

ਜਾਤ ਭਈ ਤਹ ਹੀ ਕੌ ਬਾਮਾ ॥੧੨॥

Jaata Bhaeee Taha Hee Kou Baamaa ॥12॥

ਤਹ ਗੀ ਪੁਰਖ ਭੇਸ ਕੋ ਕਰਿ ਕੈ ॥

Taha Gee Purkh Bhesa Ko Kari Kai ॥

ਭਾਂਤਿ ਭਾਂਤਿ ਕੇ ਭੂਖਨ ਧਰਿ ਕੈ ॥

Bhaanti Bhaanti Ke Bhookhn Dhari Kai ॥

ਜਬ ਅਵਧੂਤ ਮਤੀ ਤਿਹ ਹੇਰਾ ॥

Jaba Avadhoota Matee Tih Heraa ॥

ਰਾਜ ਕੁਅਰ ਜਾਨ੍ਯੋ ਕਹੂੰ ਕੇਰਾ ॥੧੩॥

Raaja Kuar Jaanio Kahooaan Keraa ॥13॥

ਨਿਰਖਤ ਕੁਅਰਿ ਮਦਨ ਬਸਿ ਭਈ ॥

Nrikhta Kuari Madan Basi Bhaeee ॥

ਅੰਗ ਅੰਗ ਬਿਹਬਲ ਹ੍ਵੈ ਗਈ ॥

Aanga Aanga Bihbala Havai Gaeee ॥

ਚਿਤ ਮਹਿ ਕਹਾ ਇਸੀ ਕਹ ਬਰਿ ਹੌ ॥

Chita Mahi Kahaa Eisee Kaha Bari Hou ॥

ਨਾਤਰ ਘਾਇ ਕਟਾਰੀ ਮਰਿ ਹੌ ॥੧੪॥

Naatar Ghaaei Kattaaree Mari Hou ॥14॥

ਦੇਖੈ ਲਗੀ ਸੀਸ ਨਿਹੁਰਾਈ ॥

Dekhi Lagee Seesa Nihuraaeee ॥

ਤਿਹ ਤ੍ਰਿਯ ਘਾਤ ਇਹੈ ਕਰ ਆਈ ॥

Tih Triya Ghaata Eihi Kar Aaeee ॥

ਤੁਰੰਗ ਧਵਾਇ ਜਾਤ ਤਹ ਭਈ ॥

Turaanga Dhavaaei Jaata Taha Bhaeee ॥

ਸਿੰਘਨਿ ਜਾਨੁ ਮ੍ਰਿਗੀ ਗਹਿ ਲਈ ॥੧੫॥

Siaanghani Jaanu Mrigee Gahi Laeee ॥15॥

ਝਟਕਿ ਝਰੋਖਾ ਤੇ ਗਹਿ ਲਈ ॥

Jhattaki Jharokhaa Te Gahi Laeee ॥

ਬਾਂਧਤ ਸਾਥ ਪ੍ਰਿਸਟ ਕੇ ਭਈ ॥

Baandhata Saatha Prisatta Ke Bhaeee ॥

ਹਾਹਾ ਭਾਖਿ ਲੋਗ ਪਚਿ ਹਾਰੇ ॥

Haahaa Bhaakhi Loga Pachi Haare ॥

ਰਾਖਿ ਨ ਸਕੇ ਤਾਹਿ ਰਖਵਾਰੇ ॥੧੬॥

Raakhi Na Sake Taahi Rakhvaare ॥16॥

ਬਾਧਿ ਪ੍ਰਿਸਟਿ ਤਿਹ ਤੁਰੰਗ ਧਵਾਯੋ ॥

Baadhi Prisatti Tih Turaanga Dhavaayo ॥

ਏਕੈ ਬਾਨ ਮਿਲਾ ਸੋ ਘਾਯੋ ॥

Eekai Baan Milaa So Ghaayo ॥

ਤਾ ਕਹ ਜੀਤਿ ਧਾਮ ਲੈ ਆਈ ॥

Taa Kaha Jeeti Dhaam Lai Aaeee ॥

ਸਖੀ ਕੁਅਰ ਕੇ ਧਾਮ ਪਠਾਈ ॥੧੭॥

Sakhee Kuar Ke Dhaam Patthaaeee ॥17॥

ਜੋ ਤੁਮ ਕਹਾ ਕਾਜ ਮੈ ਕਿਯਾ ॥

Jo Tuma Kahaa Kaaja Mai Kiyaa ॥

ਅਪਨੋ ਬੋਲ ਨਿਬਾਹਹੁ ਪਿਯਾ ॥

Apano Bola Nibaahahu Piyaa ॥

ਪ੍ਰਥਮ ਬ੍ਯਾਹਿ ਮੋ ਕੌ ਲੈ ਜਾਵੌ ॥

Parthama Baiaahi Mo Kou Lai Jaavou ॥

ਤਾ ਪਾਛੇ ਯਾ ਕਹ ਤੁਮ ਪਾਵੌ ॥੧੮॥

Taa Paachhe Yaa Kaha Tuma Paavou ॥18॥

ਰਾਜ ਕੁਅਰ ਤਬ ਹੀ ਤਹ ਆਯੋ ॥

Raaja Kuar Taba Hee Taha Aayo ॥

ਤਾ ਸੌ ਪ੍ਰਥਮੈ ਬ੍ਯਾਹ ਕਰਾਯੋ ॥

Taa Sou Parthamai Baiaaha Karaayo ॥

ਅਸਿ ਚਰਿਤ੍ਰ ਚੰਚਲਾ ਦਿਖਯੋ ॥੧੯॥

Asi Charitar Chaanchalaa Dikhyo ॥19॥

ਪ੍ਰਥਮਹਿ ਪਾਰ ਸਮੁੰਦ ਕੈ ਗਈ ॥

Parthamahi Paara Samuaanda Kai Gaeee ॥

ਰਾਜ ਸੁਤਹਿ ਹਰਿ ਲ੍ਯਾਵਤ ਭਈ ॥

Raaja Sutahi Hari Laiaavata Bhaeee ॥

ਬਹੁਰੌ ਮਨ ਭਾਵਤ ਪਤਿ ਕਰਿਯੋ ॥

Bahurou Man Bhaavata Pati Kariyo ॥

ਤ੍ਰਿਯਾ ਚਰਿਤ੍ਰ ਨ ਜਾਤ ਬਿਚਰਿਯੋ ॥੨੦॥

Triyaa Charitar Na Jaata Bichariyo ॥20॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਦੋ ਸੌ ਨੰਨ੍ਯਾਨਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੨੯੯॥੫੭੮੯॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Do Sou Naanniaanvo Charitar Samaapatama Satu Subhama Satu ॥299॥5789॥aphajooaan॥