ਚੌਪਈ ॥
Choupaee ॥
ਬਿਧੀ ਸੈਨ ਰਾਜਾ ਇਕ ਸੂਰੋ ॥
Bidhee Sain Raajaa Eika Sooro ॥
ਤੇਗ ਦੇਗ ਦੁਹੂੰਅਨਿ ਕਰਿ ਪੂਰੋ ॥
Tega Dega Duhooaanni Kari Pooro ॥
ਤੇਜਵਾਨ ਦੁਤਿਵਾਨ ਅਤੁਲ ਬਲ ॥
Tejavaan Dutivaan Atula Bala ॥
ਅਰਿ ਅਨੇਕ ਜੀਤੇ ਜਿਨ ਦਲਿ ਮਲਿ ॥੧॥
Ari Aneka Jeete Jin Dali Mali ॥1॥
ਬਿਧ੍ਯ ਮਤੀ ਦੁਹਿਤਾ ਇਕ ਤਾ ਕੇ ॥
Bidhai Matee Duhitaa Eika Taa Ke ॥
ਨਰੀ ਨਾਗਨੀ ਸਮ ਨਹਿ ਜਾ ਕੇ ॥
Naree Naaganee Sama Nahi Jaa Ke ॥
ਅਪ੍ਰਮਾਨ ਤਿਹ ਸੇਜ ਸੁਹਾਵੈ ॥
Aparmaan Tih Seja Suhaavai ॥
ਰਵਿ ਸਸਿ ਰੋਜ ਬਿਲੋਕਨ ਆਵੈ ॥੨॥
Ravi Sasi Roja Bilokan Aavai ॥2॥
ਤਾ ਕੋ ਲਗਿਯੋ ਏਕ ਸੰਗ ਨੇਹਾ ॥
Taa Ko Lagiyo Eeka Saanga Nehaa ॥
ਜ੍ਯੋਂ ਸਾਵਨ ਕੋ ਬਰਿਸਤ ਮੇਹਾ ॥
Jaiona Saavan Ko Barisata Mehaa ॥
ਚਤੁਰ ਕੁਅਰ ਤਿਹ ਨਾਮ ਭਨਿਜੈ ॥
Chatur Kuar Tih Naam Bhanijai ॥
ਕਵਨ ਪੁਰਖ ਪਟਤਰ ਤਿਹ ਦਿਜੈ ॥੩॥
Kavan Purkh Pattatar Tih Dijai ॥3॥
ਬਿਧ੍ਯਾ ਦੇਈ ਇਕ ਦਿਨ ਰਸਿ ਕੈ ॥
Bidhaiaa Deeee Eika Din Rasi Kai ॥
ਬੋਲਿ ਲਿਯਾ ਪ੍ਰੀਤਮ ਕਹ ਕਸਿ ਕੈ ॥
Boli Liyaa Pareetma Kaha Kasi Kai ॥
ਕਾਮ ਭੋਗ ਤਿਹ ਸਾਥ ਕਮਾਯੋ ॥
Kaam Bhoga Tih Saatha Kamaayo ॥
ਤਰੁਨੀ ਤਰੁਨ ਅਧਿਕ ਸੁਖ ਪਾਯੋ ॥੪॥
Tarunee Taruna Adhika Sukh Paayo ॥4॥
ਬਿਧੀ ਸੈਨ ਸੌ ਕਿਨਹਿ ਜਤਾਈ ॥
Bidhee Sain Sou Kinhi Jataaeee ॥
ਤੋਰਿ ਸੁਤਾ ਗ੍ਰਿਹ ਜਾਰ ਬੁਲਾਈ ॥
Tori Sutaa Griha Jaara Bulaaeee ॥
ਕਾਮ ਭੋਗ ਤਿਹ ਸਾਥ ਕਰਤ ਹੈ ॥
Kaam Bhoga Tih Saatha Karta Hai ॥
ਤੋ ਤੇ ਨ੍ਰਿਪ ਨਹਿ ਨੈਕੁ ਡਰਤ ਹੈ ॥੫॥
To Te Nripa Nahi Naiku Darta Hai ॥5॥
ਤਬ ਨ੍ਰਿਪ ਸਾਥ ਤਿਸੀ ਕੋ ਲੈ ਕੈ ॥
Taba Nripa Saatha Tisee Ko Lai Kai ॥
ਜਾਤ ਭਯੋ ਤਹ ਅਧਿਕ ਰਿਸੈ ਕੈ ॥
Jaata Bhayo Taha Adhika Risai Kai ॥
ਬਿਧ੍ਯਾ ਮਤੀ ਜਬੈ ਸੁਨਿ ਪਾਈ ॥
Bidhaiaa Matee Jabai Suni Paaeee ॥
ਮੀਤ ਸਹਿਤ ਜਿਯ ਮੈ ਡਰ ਪਾਈ ॥੬॥
Meet Sahita Jiya Mai Dar Paaeee ॥6॥
ਖੋਦਿ ਛਾਤ ਦ੍ਵੈ ਛੇਦ ਸਵਾਰੇ ॥
Khodi Chhaata Davai Chheda Savaare ॥
ਜਿਹ ਆਵਤ ਵੈ ਰਾਹ ਬਿਚਾਰੇ ॥
Jih Aavata Vai Raaha Bichaare ॥
ਤਿਹ ਮਗ ਹ੍ਵੈ ਬਿਸਟਾ ਦੁਹੂੰ ਕਰਾ ॥
Tih Maga Havai Bisattaa Duhooaan Karaa ॥
ਦੂਤ ਸਹਿਤ ਨ੍ਰਿਪ ਕੇ ਸਿਰ ਪਰਾ ॥੭॥
Doota Sahita Nripa Ke Sri Paraa ॥7॥
ਅੰਧ ਗਏ ਹ੍ਵੈ ਸੂਝ ਨ ਆਯੋ ॥
Aandha Gaee Havai Soojha Na Aayo ॥
ਤਿਸੀ ਪੈਡ ਗ੍ਰਿਹਿ ਜਾਰ ਪਠਾਯੋ ॥
Tisee Paida Grihi Jaara Patthaayo ॥
ਰਾਜਾ ਭੇਦ ਅਭੇਦ ਨ ਲਹਾ ॥
Raajaa Bheda Abheda Na Lahaa ॥
ਦੁਹਿਤਾ ਕਾਮ ਕੈ ਗਈ ਕਹਾ ॥੮॥
Duhitaa Kaam Kai Gaeee Kahaa ॥8॥
ਬਿਸਟਾ ਰਹੀ ਦੁਹੂੰ ਕੇ ਲਗਿ ਕੈ ॥
Bisattaa Rahee Duhooaan Ke Lagi Kai ॥
ਸੁ ਘਰ ਗਯੋ ਤਿਹ ਕੇ ਸਿਰ ਹਗਿ ਕੈ ॥
Su Ghar Gayo Tih Ke Sri Hagi Kai ॥
ਘਰੀਕ ਲਗੀ ਧੋਵਤੇ ਬਦਨਨ ॥
Ghareeka Lagee Dhovate Badanna ॥
ਬਹੁਰਿ ਗਏ ਦੁਹਿਤਾ ਕੈ ਸਦਨਨ ॥੯॥
Bahuri Gaee Duhitaa Kai Sadanna ॥9॥
ਤਹਾ ਜਾਇ ਜੌ ਨ੍ਰਿਪਤਿ ਨਿਹਰਾ ॥
Tahaa Jaaei Jou Nripati Nihraa ॥
ਜਾਰ ਵਾਰ ਕਛੁ ਦਿਸਟਿ ਨ ਪਰਾ ॥
Jaara Vaara Kachhu Disatti Na Paraa ॥
ਤਬ ਨ੍ਰਿਪ ਉਲਟਿ ਤਿਸੀ ਕੋ ਮਰਿਯੋ ॥
Taba Nripa Aulatti Tisee Ko Mariyo ॥
ਬਿਸਟਾ ਪ੍ਰਥਮ ਜਾਹਿ ਸਿਰ ਪਰਿਯੋ ॥੧੦॥
Bisattaa Parthama Jaahi Sri Pariyo ॥10॥
ਇਹ ਛਲ ਸੌ ਤ੍ਰਿਯ ਪਿਯਹਿ ਉਬਾਰਿਯੋ ॥
Eih Chhala Sou Triya Piyahi Aubaariyo ॥
ਤਿਨ ਕੇ ਮੁਖ ਬਿਸਟਾ ਕੌ ਡਾਰਿਯੋ ॥
Tin Ke Mukh Bisattaa Kou Daariyo ॥
ਭਲਾ ਬੁਰਾ ਭੂਪਤਿ ਨ ਬਿਚਾਰਾ ॥
Bhalaa Buraa Bhoopti Na Bichaaraa ॥
ਭੇਦ ਦਾਇਕਹਿ ਪਕਰਿ ਪਛਾਰਾ ॥੧੧॥
Bheda Daaeikahi Pakari Pachhaaraa ॥11॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਚਾਰ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੦੪॥੫੮੫੧॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Chaara Charitar Samaapatama Satu Subhama Satu ॥304॥5851॥aphajooaan॥