ਚੌਪਈ ॥
Choupaee ॥
ਚਿੰਤਾਤੁਰ ਘਰ ਕੋ ਫਿਰਿ ਆਯੋ ॥
Chiaantaatur Ghar Ko Phiri Aayo ॥
ਸਹਿਰ ਢੰਢੋਰਾ ਐਸ ਦਿਲਾਯੋ ॥
Sahri Dhaandhoraa Aaisa Dilaayo ॥
ਜੇ ਕੋਈ ਪੁਹਪ ਖਰੀਦਨ ਆਵੈ ॥
Je Koeee Puhapa Khreedan Aavai ॥
ਮੁਹਿ ਨਿਰਖੇ ਬਿਨੁ ਲੇਨ ਨ ਪਾਵੈ ॥੮॥
Muhi Nrikhe Binu Lena Na Paavai ॥8॥
ਪੁਹਪਨ ਸਮੈ ਬਿਕਨ ਜਬ ਭਯੋ ॥
Puhapan Samai Bikan Jaba Bhayo ॥
ਤਬ ਤਹ ਨ੍ਰਿਪਤਿ ਬਿਲੋਕਨ ਅਯੋ ॥
Taba Taha Nripati Bilokan Ayo ॥
ਜੋਗੀ ਏਕ ਤਹਾ ਤਬ ਆਯੋ ॥
Jogee Eeka Tahaa Taba Aayo ॥
ਪੁਹਪ ਪਾਚ ਮਨ ਮੋਲ ਚੁਕਾਯੋ ॥੯॥
Puhapa Paacha Man Mola Chukaayo ॥9॥
ਆਇ ਸੁ ਫੂਲ ਮੋਲ ਲੈ ਗਯੋ ॥
Aaei Su Phoola Mola Lai Gayo ॥
ਪਾਛੋ ਗਹਤ ਨ੍ਰਿਪਤਿ ਤਿਹ ਭਯੋ ॥
Paachho Gahata Nripati Tih Bhayo ॥
ਜਾਤ ਜਾਤ ਦੋਊ ਗਏ ਗਹਿਰ ਬਨ ॥
Jaata Jaata Doaoo Gaee Gahri Ban ॥
ਜਹ ਲਖਿ ਜਾਤ ਤੀਸਰੋ ਮਨੁਖ ਨ ॥੧੦॥
Jaha Lakhi Jaata Teesaro Manukh Na ॥10॥
ਤਬ ਜੋਗੀ ਸਰ ਜਟਾ ਉਘਾਰੀ ॥
Taba Jogee Sar Jattaa Aughaaree ॥
ਤਿਨ ਭੀਤਰ ਤੇ ਨਾਰਿ ਨਿਕਾਰੀ ॥
Tin Bheetr Te Naari Nikaaree ॥
ਭਾਂਤਿ ਭਾਂਤਿ ਤਾ ਸੌ ਰਤਿ ਕਰਿ ਕੈ ॥
Bhaanti Bhaanti Taa Sou Rati Kari Kai ॥
ਸੋਯੋ ਤਾਪ ਮਦਨ ਕੌ ਹਰਿ ਕੈ ॥੧੧॥
Soyo Taapa Madan Kou Hari Kai ॥11॥
ਜਬ ਹੀ ਸੋਇ ਸੰਨ੍ਯਾਸੀ ਗਯੋ ॥
Jaba Hee Soei Saanniaasee Gayo ॥
ਜੂਤ ਜਟਨ ਤਿਹ ਨਾਰਿ ਛੁਰਯੋ ॥
Joota Jattan Tih Naari Chhuryo ॥
ਤਹ ਤੇ ਪੁਰਖ ਏਕ ਤਿਹ ਕਾਢਾ ॥
Taha Te Purkh Eeka Tih Kaadhaa ॥
ਕਾਮ ਭੋਗ ਤਾ ਸੌ ਕਰਿ ਗਾਢਾ ॥੧੨॥
Kaam Bhoga Taa Sou Kari Gaadhaa ॥12॥
ਨ੍ਰਿਪ ਠਾਂਢੋ ਤਿਹ ਚਰਿਤ ਨਿਹਾਰਾ ॥
Nripa Tthaandho Tih Charita Nihaaraa ॥
ਜੋਰਿ ਹਾਥ ਜੋਗਿਯਹਿ ਉਚਾਰਾ ॥
Jori Haatha Jogiyahi Auchaaraa ॥
ਮੋ ਗ੍ਰਿਹ ਕਾਲ ਕ੍ਰਿਪਾ ਕਰਿ ਐਯੋ ॥
Mo Griha Kaal Kripaa Kari Aaiyo ॥
ਜਥਾ ਸਕਤਿ ਭੋਜਨ ਕਰਿ ਜੈਯੋ ॥੧੩॥
Jathaa Sakati Bhojan Kari Jaiyo ॥13॥
ਪ੍ਰਾਤ ਗਯੋ ਸੰਨ੍ਯਾਸੀ ਤਿਹ ਘਰ ॥
Paraata Gayo Saanniaasee Tih Ghar ॥
ਭਗਵਾ ਭੇਸ ਸਕਲ ਤਨ ਮੈ ਧਰਿ ॥
Bhagavaa Bhesa Sakala Tan Mai Dhari ॥
ਭਾਂਤਿ ਭਾਂਤਿ ਤਨ ਪ੍ਰਭਾ ਬਨਾਈ ॥
Bhaanti Bhaanti Tan Parbhaa Banaaeee ॥
ਮਹਾ ਧਰਮ ਸੋ ਜਨਿਯੋ ਜਾਈ ॥੧੪॥
Mahaa Dharma So Janiyo Jaaeee ॥14॥
ਸੰਨ੍ਯਾਸੀ ਕਹ ਨ੍ਰਿਪ ਆਗੇ ਧਰਿ ॥
Saanniaasee Kaha Nripa Aage Dhari ॥
ਦੁਹਿਤਾ ਕੇ ਰਾਜਾ ਆਯੋ ਘਰ ॥
Duhitaa Ke Raajaa Aayo Ghar ॥
ਤੀਨ ਥਾਲ ਭੋਜਨ ਕੇ ਭਰਿ ਕੈ ॥
Teena Thaala Bhojan Ke Bhari Kai ॥
ਆਗੇ ਰਾਖੇ ਬਚਨ ਉਚਰਿ ਕੈ ॥੧੫॥
Aage Raakhe Bachan Auchari Kai ॥15॥
ਇਹ ਬਿਧਿ ਬਚਨ ਕਹੇ ਸੰਨ੍ਯਾਸੀ ॥
Eih Bidhi Bachan Kahe Saanniaasee ॥
ਕਹਾ ਕਰਤ ਹੈ ਮੁਹਿ ਤਨ ਹਾਸੀ ॥
Kahaa Karta Hai Muhi Tan Haasee ॥
ਏਕ ਮਨੁਛ ਹੌ ਇਤਨੌ ਭੋਜਨ ॥
Eeka Manuchha Hou Eitanou Bhojan ॥
ਖਾਯੋ ਜਾਇ ਕਵਨ ਬਿਧਿ ਮੋ ਤਨ ॥੧੬॥
Khaayo Jaaei Kavan Bidhi Mo Tan ॥16॥
ਏਕ ਥਾਰ ਭੋਜਨ ਤੁਮ ਕਰੋ ॥
Eeka Thaara Bhojan Tuma Karo ॥
ਦੁਤਿਯ ਜਟਨ ਮੈ ਤਿਹ ਅਨਸਰੋ ॥
Dutiya Jattan Mai Tih Ansaro ॥
ਜਿਹ ਤਿਹ ਭਾਂਤਿ ਜਟਾ ਛੁਰਵਾਇ ॥
Jih Tih Bhaanti Jattaa Chhurvaaei ॥
ਤਹ ਤੇ ਨਾਰਿ ਨਿਕਾਸੀ ਰਾਇ ॥੧੭॥
Taha Te Naari Nikaasee Raaei ॥17॥
ਤ੍ਰਿਤਿਯ ਥਾਰ ਆਗੇ ਤਿਹ ਰਾਖਾ ॥
Tritiya Thaara Aage Tih Raakhaa ॥
ਬਿਹਸਿ ਬਚਨ ਤਾ ਸੌ ਨ੍ਰਿਪ ਭਾਖਾ ॥
Bihsi Bachan Taa Sou Nripa Bhaakhaa ॥
ਕੇਸ ਫਾਂਸ ਤੇ ਪੁਰਖ ਨਿਕਾਰਹੁ ॥
Kesa Phaansa Te Purkh Nikaarahu ॥
ਯਹ ਭੋਜਨ ਤੁਮ ਤਾ ਕਹ ਖ੍ਵਾਰਹੁ ॥੧੮॥
Yaha Bhojan Tuma Taa Kaha Khvaarahu ॥18॥
ਜਿਹ ਤਿਹ ਬਿਧਿ ਤਾ ਕੋ ਸੁ ਨਿਕਾਰਿਯੋ ॥
Jih Tih Bidhi Taa Ko Su Nikaariyo ॥
ਬਹੁਰਿ ਸੁਤਾ ਸੌ ਬਚਨ ਉਚਾਰਿਯੋ ॥
Bahuri Sutaa Sou Bachan Auchaariyo ॥
ਤੀਨ ਥਾਰ ਅਗੇ ਤਿਹ ਰਾਖੇ ॥
Teena Thaara Age Tih Raakhe ॥
ਤੀਨੋ ਭਖਹੁ ਯਾਹਿ ਬਿਧਿ ਭਾਖੇ ॥੧੯॥
Teeno Bhakhhu Yaahi Bidhi Bhaakhe ॥19॥
ਦੁਹਕਰ ਕਰਮ ਲਖਿਯੋ ਪਿਤ ਕੋ ਜਬ ॥
Duhakar Karma Lakhiyo Pita Ko Jaba ॥
ਚਕ੍ਰਿਤ ਭਈ ਚਿਤ ਮਾਝ ਕੁਅਰਿ ਤਬ ॥
Chakrita Bhaeee Chita Maajha Kuari Taba ॥
ਜਾਰ ਸਹਿਤ ਵਹ ਬੀਰ ਬੁਲਾਯੋ ॥
Jaara Sahita Vaha Beera Bulaayo ॥
ਆਪਨ ਸਹਿਤ ਭੋਜ ਵਹ ਖਾਯੋ ॥੨੦॥
Aapan Sahita Bhoja Vaha Khaayo ॥20॥
ਤ੍ਰਾਸ ਚਿਤ ਮੈ ਅਧਿਕ ਬਿਚਾਰਾ ॥
Taraasa Chita Mai Adhika Bichaaraa ॥
ਇਨ ਰਾਜੈ ਸਭ ਚਰਿਤ ਨਿਹਾਰਾ ॥
Ein Raajai Sabha Charita Nihaaraa ॥
ਕਵਨ ਉਪਾਇ ਆਜੁ ਹ੍ਯਾ ਕਰਿਯੈ ॥
Kavan Aupaaei Aaju Haiaa Kariyai ॥
ਕਛੁਕ ਖੇਲਿ ਕਰਿ ਚਰਿਤ ਨਿਕਰਿਯੈ ॥੨੧॥
Kachhuka Kheli Kari Charita Nikariyai ॥21॥
ਬੀਰ ਹਾਕਿ ਅਸ ਮੰਤ੍ਰ ਉਚਾਰਾ ॥
Beera Haaki Asa Maantar Auchaaraa ॥
ਪਿਤ ਜੁਤ ਅੰਧ ਤਿਨੈ ਕਰਿ ਡਾਰਾ ॥
Pita Juta Aandha Tini Kari Daaraa ॥
ਗਈ ਮਿਤ੍ਰ ਕੇ ਸਾਥ ਨਿਕਰਿ ਕਰਿ ॥
Gaeee Mitar Ke Saatha Nikari Kari ॥
ਭੇਦ ਸਕਾ ਨਹਿ ਕਿਨੂੰ ਬਿਚਰਿ ਕਰਿ ॥੨੨॥
Bheda Sakaa Nahi Kinooaan Bichari Kari ॥22॥
ਅੰਧ ਭਏ ਤੇ ਲੋਗ ਸਭੈ ਜਬ ॥
Aandha Bhaee Te Loga Sabhai Jaba ॥
ਇਹ ਬਿਧਿ ਬਚਨ ਬਖਾਨਾ ਨ੍ਰਿਪ ਤਬ ॥
Eih Bidhi Bachan Bakhaanaa Nripa Taba ॥
ਆਛਿ ਬੈਦ ਕੋਊ ਲੇਹੁ ਬੁਲਾਇ ॥
Aachhi Baida Koaoo Lehu Bulaaei ॥
ਜੋ ਆਖਿਨ ਕੋ ਕਰੇ ਉਪਾਇ ॥੨੩॥
Jo Aakhin Ko Kare Aupaaei ॥23॥
ਦੁਹਿਤਾ ਬੈਦ ਭੇਸ ਤਹ ਧਰਿ ਕੈ ॥
Duhitaa Baida Bhesa Taha Dhari Kai ॥
ਰੋਗ ਨ੍ਰਿਪਤਿ ਅਖਿਅਨ ਕੌ ਹਰਿ ਕੈ ॥
Roga Nripati Akhian Kou Hari Kai ॥
ਮਾਂਗਿ ਲਯੋ ਪਿਤ ਤੇ ਸੋਈ ਪਤਿ ॥
Maangi Layo Pita Te Soeee Pati ॥
ਖਚਿਤ ਹੁਤੀ ਜਾ ਕੇ ਭੀਤਰ ਮਤਿ ॥੨੪॥
Khchita Hutee Jaa Ke Bheetr Mati ॥24॥
ਇਹ ਛਲ ਬਰਿਯੋ ਬਾਲ ਪਤਿ ਤੌਨੇ ॥
Eih Chhala Bariyo Baala Pati Toune ॥
ਮਨ ਮਹਿ ਚੁਭਿਯੋ ਚਤੁਰਿ ਕੈ ਜੌਨੇ ॥
Man Mahi Chubhiyo Chaturi Kai Joune ॥
ਇਨ ਇਸਤ੍ਰਿਨ ਕੇ ਚਰਿਤ ਅਪਾਰਾ ॥
Ein Eisatrin Ke Charita Apaaraa ॥
ਸਜਿ ਪਛੁਤਾਨ੍ਯੋ ਇਨ ਕਰਤਾਰਾ ॥੨੫॥
Saji Pachhutaanio Ein Kartaaraa ॥25॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਬਾਈਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੨੨॥੬੦੮੪॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Baaeeesa Charitar Samaapatama Satu Subhama Satu ॥322॥6084॥aphajooaan॥