ਚੌਪਈ ॥
Choupaee ॥
ਸੁਨਿਯਤ ਇਕ ਨਗਰੀ ਉਜਿਯਾਰੀ ॥
Suniyata Eika Nagaree Aujiyaaree ॥
ਬਿਸੁਕਰਮਾ ਨਿਜੁ ਹਾਥ ਸਵਾਰੀ ॥
Bisukarmaa Niju Haatha Savaaree ॥
ਨਾਮੁ ਅਲੂਰਾ ਤਾ ਕੋ ਸੋਹੈ ॥
Naamu Alooraa Taa Ko Sohai ॥
ਤੀਨੋ ਲੋਕ ਰਚਿਤ ਤਿਨ ਮੋਹੈ ॥੧॥
Teeno Loka Rachita Tin Mohai ॥1॥
ਭੂਪ ਭਦ੍ਰ ਤਿਹ ਗੜ ਕੋ ਰਾਜਾ ॥
Bhoop Bhadar Tih Garha Ko Raajaa ॥
ਰਾਜ ਪਾਟ ਤਾਹੀ ਕਹ ਛਾਜਾ ॥
Raaja Paatta Taahee Kaha Chhaajaa ॥
ਰਤਨ ਮਤੀ ਤਿਹ ਨ੍ਰਿਪ ਕੀ ਰਾਨੀ ॥
Ratan Matee Tih Nripa Kee Raanee ॥
ਅਧਿਕ ਕੁਰੂਪ ਜਗਤ ਮਹਿ ਜਾਨੀ ॥੨॥
Adhika Kuroop Jagata Mahi Jaanee ॥2॥
ਤਾ ਕੇ ਨਿਕਟ ਨ ਰਾਜਾ ਜਾਵੈ ॥
Taa Ke Nikatta Na Raajaa Jaavai ॥
ਨਿਰਖਿ ਨਾਰਿ ਕੋ ਰੂਪ ਡਰਾਵੈ ॥
Nrikhi Naari Ko Roop Daraavai ॥
ਅਵਰ ਰਾਨਿਯਨ ਕੇ ਘਰ ਰਹੈ ॥
Avar Raaniyan Ke Ghar Rahai ॥
ਤਾ ਸੌ ਬੈਨ ਨ ਬੋਲਾ ਚਹੈ ॥੩॥
Taa Sou Bain Na Bolaa Chahai ॥3॥
ਯਹ ਦੁਖ ਅਧਿਕ ਨਾਰਿ ਕੇ ਮਨੈ ॥
Yaha Dukh Adhika Naari Ke Mani ॥
ਚਾਹਤ ਪ੍ਰੀਤਿ ਨ੍ਰਿਪਤਿ ਸੌ ਬਨੈ ॥
Chaahata Pareeti Nripati Sou Bani ॥
ਏਕ ਜਤਨ ਤਬ ਕਿਯਾ ਪਿਆਰੀ ॥
Eeka Jatan Taba Kiyaa Piaaree ॥
ਸੁਨਹੁ ਕਹਤ ਹੌ ਕਥਾ ਬਿਚਾਰੀ ॥੪॥
Sunahu Kahata Hou Kathaa Bichaaree ॥4॥
ਪੂਜਾ ਕਰਤ ਲਖਿਯੋ ਜਬ ਰਾਜਾ ॥
Poojaa Karta Lakhiyo Jaba Raajaa ॥
ਤਬ ਤਨ ਸਜਾ ਸਕਲ ਤ੍ਰਿਯ ਸਾਜਾ ॥
Taba Tan Sajaa Sakala Triya Saajaa ॥
ਮਹਾ ਰੁਦ੍ਰ ਕੋ ਭੇਸ ਬਨਾਇ ॥
Mahaa Rudar Ko Bhesa Banaaei ॥
ਅਪਨੈ ਅੰਗ ਬਿਭੂਤਿ ਚੜਾਇ ॥੫॥
Apani Aanga Bibhooti Charhaaei ॥5॥
ਕਰਤ ਹੁਤੋ ਰਾਜਾ ਜਪੁ ਜਹਾ ॥
Karta Huto Raajaa Japu Jahaa ॥
ਸਿਵ ਬਨਿ ਆਨਿ ਠਾਂਢਿ ਭੀ ਤਹਾ ॥
Siva Bani Aani Tthaandhi Bhee Tahaa ॥
ਜਬ ਰਾਜੈ ਤਿਹ ਰੂਪ ਨਿਹਰਾ ॥
Jaba Raajai Tih Roop Nihraa ॥
ਮਨ ਕ੍ਰਮ ਈਸ ਜਾਨਿ ਪਗ ਪਰਾ ॥੬॥
Man Karma Eeesa Jaani Paga Paraa ॥6॥
ਸੁਫਲ ਭਯੋ ਅਬ ਜਨਮ ਹਮਾਰਾ ॥
Suphala Bhayo Aba Janaam Hamaaraa ॥
ਮਹਾਦੇਵ ਕੋ ਦਰਸ ਨਿਹਾਰਾ ॥
Mahaadev Ko Darsa Nihaaraa ॥
ਕਹਿਯੋ ਕਰੀ ਮੈ ਬਡੀ ਕਮਾਈ ॥
Kahiyo Karee Mai Badee Kamaaeee ॥
ਜਾ ਤੇ ਦੀਨੀ ਰੁਦ੍ਰ ਦਿਖਾਈ ॥੭॥
Jaa Te Deenee Rudar Dikhaaeee ॥7॥
ਬਰੰਬ੍ਰੂਹ ਤਿਹ ਕਹਾ ਨਾਰਿ ਤਬ ॥
Baraanbar¨ha Tih Kahaa Naari Taba ॥
ਜੌ ਜੜ ਰੁਦ੍ਰ ਲਖਿਯੋ ਜਾਨਾ ਜਬ ॥
Jou Jarha Rudar Lakhiyo Jaanaa Jaba ॥
ਤੈ ਮੁਰਿ ਕਰੀ ਸੇਵ ਭਾਖਾ ਅਤਿ ॥
Tai Muri Karee Seva Bhaakhaa Ati ॥
ਤਬ ਤਹਿ ਦਰਸੁ ਦਿਯੋ ਮੈ ਸੁਭ ਮਤਿ ॥੮॥
Taba Tahi Darsu Diyo Mai Subha Mati ॥8॥
ਸੁਨਿ ਬਚ ਨਾਰਿ ਰਾਇ ਹਰਖਾਨਾ ॥
Suni Bacha Naari Raaei Harkhaanaa ॥
ਭੇਦ ਅਭੇਦ ਜੜ ਕਛੂ ਨ ਜਾਨਾ ॥
Bheda Abheda Jarha Kachhoo Na Jaanaa ॥
ਤ੍ਰਿਯ ਕੇ ਚਰਨ ਰਹਾ ਲਪਟਾਈ ॥
Triya Ke Charn Rahaa Lapattaaeee ॥
ਨਾਰਿ ਚਰਿਤ ਕੀ ਬਾਤ ਨ ਪਾਈ ॥੯॥
Naari Charita Kee Baata Na Paaeee ॥9॥
ਤਬ ਐਸਾ ਤ੍ਰਿਯ ਕਿਯਾ ਉਚਾਰਾ ॥
Taba Aaisaa Triya Kiyaa Auchaaraa ॥
ਸੁਨਹੁ ਬਾਤ ਤੁਮ ਰਾਜ ਕੁਮਾਰਾ ॥
Sunahu Baata Tuma Raaja Kumaaraa ॥
ਰਤਨ ਮਤੀ ਤੁਮਰੀ ਜੋ ਰਾਨੀ ॥
Ratan Matee Tumaree Jo Raanee ॥
ਯਹ ਮੁਰਿ ਅਤਿ ਸੇਵਕੀ ਪ੍ਰਮਾਨੀ ॥੧੦॥
Yaha Muri Ati Sevakee Parmaanee ॥10॥
ਜੌ ਯਾ ਸੌ ਤੁਮ ਕਰਹੁ ਪ੍ਯਾਰਾ ॥
Jou Yaa Sou Tuma Karhu Paiaaraa ॥
ਹ੍ਵੈ ਹੈ ਤੁਮਰੋ ਤਬੈ ਉਧਾਰਾ ॥
Havai Hai Tumaro Tabai Audhaaraa ॥
ਸਤ੍ਰ ਹੋਇਗੋ ਨਾਸ ਤਿਹਾਰੋ ॥
Satar Hoeigo Naasa Tihaaro ॥
ਤਬ ਜਾਨੌ ਤੂ ਭਗਤ ਹਮਾਰੋ ॥੧੧॥
Taba Jaanou Too Bhagata Hamaaro ॥11॥
ਯੌ ਕਹਿ ਲੋਕੰਜਨ ਦ੍ਰਿਗ ਡਾਰੀ ॥
You Kahi Lokaanjan Driga Daaree ॥
ਭਈ ਲੋਪ ਨਹਿ ਜਾਇ ਨਿਹਾਰੀ ॥
Bhaeee Lopa Nahi Jaaei Nihaaree ॥
ਮੂੜ ਰਾਵ ਤਿਹ ਰੁਦ੍ਰ ਪ੍ਰਮਾਨਾ ॥
Moorha Raava Tih Rudar Parmaanaa ॥
ਭੇਦ ਅਭੇਦ ਕਛੁ ਪਸੂ ਨ ਜਾਨਾ ॥੧੨॥
Bheda Abheda Kachhu Pasoo Na Jaanaa ॥12॥
ਤਬ ਤੇ ਤਾ ਸੌ ਕੀਆ ਪ੍ਯਾਰਾ ॥
Taba Te Taa Sou Keeaa Paiaaraa ॥
ਤਜਿ ਕਰਿ ਸਕਲ ਸੁੰਦਰੀ ਨਾਰਾ ॥
Taji Kari Sakala Suaandaree Naaraa ॥
ਇਹ ਛਲ ਛਲਾ ਚੰਚਲਾ ਰਾਜਾ ॥
Eih Chhala Chhalaa Chaanchalaa Raajaa ॥
ਆਲੂਰੇ ਗੜ ਕੋ ਸਿਰਤਾਜਾ ॥੧੩॥
Aaloore Garha Ko Sritaajaa ॥13॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਉਨਤਾਲੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੩੯॥੬੩੪੨॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Aunataaleesa Charitar Samaapatama Satu Subhama Satu ॥339॥6342॥aphajooaan॥