ਚੌਪਈ ॥
Choupaee ॥
ਜਹ ਹਮ ਦਿਸਾ ਉਤਰਾ ਸੁਨੀ ॥
Jaha Hama Disaa Autaraa Sunee ॥
ਰਾਜਾ ਤਹਿਕ ਬਸਤ ਥੋ ਗੁਨੀ ॥
Raajaa Tahika Basata Tho Gunee ॥
ਕਲਗੀ ਰਾਇ ਜਾਹਿ ਜਗ ਭਾਖਤ ॥
Kalagee Raaei Jaahi Jaga Bhaakhta ॥
ਨਾਨਾ ਦੇਸ ਕਾਨਿ ਤਿਹ ਰਾਖਤ ॥੧॥
Naanaa Desa Kaani Tih Raakhta ॥1॥
ਮੀਤ ਮਤੀ ਤਿਹ ਨਾਰਿ ਬਿਰਾਜੈ ॥
Meet Matee Tih Naari Biraajai ॥
ਜਾਹਿ ਬਿਲੋਕਿ ਚੰਦ੍ਰਮਾ ਲਾਜੈ ॥
Jaahi Biloki Chaandarmaa Laajai ॥
ਤਾ ਕੀ ਏਕ ਲਛਿਮਿਨਿ ਦਾਸੀ ॥
Taa Kee Eeka Lachhimini Daasee ॥
ਦੁਰਬਲ ਦੇਹ ਘੜੀ ਅਬਿਨਾਸੀ ॥੨॥
Durbala Deha Gharhee Abinaasee ॥2॥
ਤਾ ਸੌ ਨਾਰਿ ਹੇਤੁ ਅਤਿ ਮਾਨੈ ॥
Taa Sou Naari Hetu Ati Maani ॥
ਮੂੜ ਨ ਰਾਨੀ ਕ੍ਰਿਆ ਪਛਾਨੈ ॥
Moorha Na Raanee Kriaa Pachhaani ॥
ਗੁਪਤ ਲੇਤ ਦਾਸੀ ਸੁ ਛਿਮਾਹੀ ॥
Gupata Leta Daasee Su Chhimaahee ॥
ਬੁਰੀ ਬੁਰੀ ਤਿਹ ਦੇਤ ਉਗਾਹੀ ॥੩॥
Buree Buree Tih Deta Augaahee ॥3॥
ਤਿਹ ਰਾਨੀ ਅਪਨੀ ਕਰਿ ਮਾਨੈ ॥
Tih Raanee Apanee Kari Maani ॥
ਮੂਰਖ ਤਾਹਿ ਜਸੂਸ ਨ ਜਾਨੈ ॥
Moorakh Taahi Jasoosa Na Jaani ॥
ਪਰੈ ਬਾਤ ਤਾ ਕਹ ਜੇ ਸ੍ਰਵਨਨ ॥
Pari Baata Taa Kaha Je Sarvanna ॥
ਲਿਖਿ ਪਠਵੈ ਤਤਛਿਨ ਰਾਜਾ ਤਨ ॥੪॥
Likhi Patthavai Tatachhin Raajaa Tan ॥4॥
ਹੁਤੇ ਦੋਇ ਦਾਸੀ ਕੇ ਭਾਈ ॥
Hute Doei Daasee Ke Bhaaeee ॥
ਬਿਰਧ ਦੰਤ ਕਛੁ ਕਹਾ ਨ ਜਾਈ ॥
Bridha Daanta Kachhu Kahaa Na Jaaeee ॥
ਸ੍ਯਾਮ ਬਰਨ ਇਕ ਦੁਤਿਯ ਕੁਰੂਪਾ ॥
Saiaam Barn Eika Dutiya Kuroopaa ॥
ਆਂਖੈ ਜਾਨੁ ਸੁਰਨ ਕੇ ਕੂਪਾ ॥੫॥
Aanakhi Jaanu Surn Ke Koopaa ॥5॥
ਬਗਲ ਗੰਧਿ ਤਿਨ ਤੇ ਅਤਿ ਆਵੈ ॥
Bagala Gaandhi Tin Te Ati Aavai ॥
ਬੈਠਨ ਨਿਕਟ ਨ ਕੋਈ ਪਾਵੈ ॥
Baitthan Nikatta Na Koeee Paavai ॥
ਚੇਰੀ ਭ੍ਰਾਤ ਜਾਨਿ ਹਿਤ ਮਾਨੈ ॥
Cheree Bharaata Jaani Hita Maani ॥
ਮੂੜ ਨਾਰਿ ਕਛੁ ਕ੍ਰਿਯਾ ਨ ਜਾਨੈ ॥੬॥
Moorha Naari Kachhu Kriyaa Na Jaani ॥6॥
ਤਹ ਇਕ ਹੁਤੀ ਜਾਟਿ ਕੀ ਨਾਰ ॥
Taha Eika Hutee Jaatti Kee Naara ॥
ਮੈਨ ਕਹਤ ਤਿਹ ਨਾਮ ਉਚਾਰ ॥
Main Kahata Tih Naam Auchaara ॥
ਜਉ ਤਿਹ ਨਾਮ ਚੇਰਿ ਸੁਨਿ ਪਾਵੇ ॥
Jau Tih Naam Cheri Suni Paave ॥
ਤਹ ਤੇ ਤਾਹਿ ਟੂਕਰਾ ਜਾਵੇ ॥੭॥
Taha Te Taahi Ttookaraa Jaave ॥7॥
ਤਿਨ ਇਸਤ੍ਰੀ ਇਹ ਭਾਂਤਿ ਬਿਚਾਰੀ ॥
Tin Eisataree Eih Bhaanti Bichaaree ॥
ਦਾਸੀ ਮੂੜ ਹ੍ਰਿਦੈ ਮਹਿ ਧਾਰੀ ॥
Daasee Moorha Hridai Mahi Dhaaree ॥
ਭਾਇ ਖਰਚੁ ਕਛੁ ਮਾਂਗਤ ਤੇਰੇ ॥
Bhaaei Khrachu Kachhu Maangata Tere ॥
ਗੁਹਜ ਪਠੈਯੈ ਕਰਿ ਕਰਿ ਮੇਰੇ ॥੮॥
Guhaja Patthaiyai Kari Kari Mere ॥8॥
ਤਬ ਚੇਰੀ ਐਸੋ ਤਨ ਕਿਯੋ ॥
Taba Cheree Aaiso Tan Kiyo ॥
ਡਾਰਿ ਦਰਬ ਭੋਜਨ ਮਹਿ ਦਿਯੋ ॥
Daari Darba Bhojan Mahi Diyo ॥
ਭਾਇ ਨਿਮਿਤ ਖਰਚੀ ਪਠ ਦਈ ॥
Bhaaei Nimita Khrachee Pattha Daeee ॥
ਸੋ ਲੈ ਨਾਰਿ ਦਰਬੁ ਘਰ ਗਈ ॥੯॥
So Lai Naari Darbu Ghar Gaeee ॥9॥
ਆਧੋ ਧਨ ਤਿਹ ਭ੍ਰਾਤਨ ਦੀਨਾ ॥
Aadho Dhan Tih Bharaatan Deenaa ॥
ਆਧੋ ਕਾਢਿ ਆਪਿ ਤ੍ਰਿਯ ਲੀਨਾ ॥
Aadho Kaadhi Aapi Triya Leenaa ॥
ਮੂਰਖ ਚੇਰੀ ਭੇਦ ਨ ਪਾਵੈ ॥
Moorakh Cheree Bheda Na Paavai ॥
ਇਹ ਚਰਿਤ੍ਰ ਤਨ ਮੂੰਡ ਮੁੰਡਾਵੈ ॥੧੦॥
Eih Charitar Tan Mooaanda Muaandaavai ॥10॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਸੰਤਾਲੀਸ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੪੭॥੬੪੪੩॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Saantaaleesa Charitar Samaapatama Satu Subhama Satu ॥347॥6443॥aphajooaan॥