ਚੌਪਈ ॥

Choupaee ॥

ਸੁਨੁ ਰਾਜਾ ਇਕ ਔਰ ਪ੍ਰਸੰਗਾ ॥

Sunu Raajaa Eika Aour Parsaangaa ॥

ਭਾਖਿ ਸੁਨਾਵਤ ਤੁਮਰੇ ਸੰਗਾ ॥

Bhaakhi Sunaavata Tumare Saangaa ॥

ਅਚਲਾਵਤੀ ਨਗਰ ਇਕ ਰਾਜਤ ॥

Achalaavatee Nagar Eika Raajata ॥

ਸੂਰ ਸਿੰਘ ਤਹ ਭੂਪ ਬਿਰਾਜਤ ॥੧॥

Soora Siaangha Taha Bhoop Biraajata ॥1॥

ਅੰਜਨ ਦੇਇ ਤਵਨ ਕੀ ਰਾਨੀ ॥

Aanjan Deei Tavan Kee Raanee ॥

ਖੰਜਨ ਦੇ ਦੁਹਿਤਾ ਤਿਹ ਜਾਨੀ ॥

Khaanjan De Duhitaa Tih Jaanee ॥

ਅਧਿਕ ਦੁਹੂੰ ਕੀ ਪ੍ਰਭਾ ਬਿਰਾਜੈ ॥

Adhika Duhooaan Kee Parbhaa Biraajai ॥

ਨਿਰਖਿ ਨਰੀ ਨਾਗਿਨਿ ਮਨ ਲਾਜੈ ॥੨॥

Nrikhi Naree Naagini Man Laajai ॥2॥

ਤਹਾ ਏਕ ਆਯੋ ਸੌਦਾਗਰ ॥

Tahaa Eeka Aayo Soudaagar ॥

ਰੂਪਵੰਤੁ ਜਨੁ ਦੁਤਿਯ ਨਿਸਾਕਰ ॥

Roopvaantu Janu Dutiya Nisaakar ॥

ਜੋ ਅਬਲਾ ਤਿਹ ਰੂਪ ਨਿਹਾਰੈ ॥

Jo Abalaa Tih Roop Nihaarai ॥

ਰਾਜ ਪਾਟ ਤਜਿ ਸਾਥ ਸਿਧਾਰੈ ॥੩॥

Raaja Paatta Taji Saatha Sidhaarai ॥3॥

ਸੋ ਆਯੋ ਨ੍ਰਿਪ ਤ੍ਰਿਯ ਕੇ ਘਰ ਤਰ ॥

So Aayo Nripa Triya Ke Ghar Tar ॥

ਰਾਜ ਸੁਤਾ ਨਿਰਖਾ ਤਿਹ ਦ੍ਰਿਗ ਭਰਿ ॥

Raaja Sutaa Nrikhaa Tih Driga Bhari ॥

ਮਨ ਬਚ ਕ੍ਰਮ ਇਹ ਉਪਰ ਭੂਲੀ ॥

Man Bacha Karma Eih Aupar Bhoolee ॥

ਜਨੁ ਮਦ ਪੀ ਮਤਵਾਰੀ ਝੂਲੀ ॥੪॥

Janu Mada Pee Matavaaree Jhoolee ॥4॥

ਸਿੰਘ ਪ੍ਰਚੰਡ ਨਾਮ ਤਿਹ ਨਰ ਕੋ ॥

Siaangha Parchaanda Naam Tih Nar Ko ॥

ਜਨੁ ਕਰਿ ਮੁਕਟ ਕਾਮ ਕੇ ਸਿਰ ਕੋ ॥

Janu Kari Mukatta Kaam Ke Sri Ko ॥

ਸਖੀ ਏਕ ਤਹ ਕੁਅਰਿ ਪਠਾਈ ॥

Sakhee Eeka Taha Kuari Patthaaeee ॥

ਕਹਿਯਹੁ ਬ੍ਰਿਥਾ ਸਜਨ ਸੌ ਜਾਈ ॥੫॥

Kahiyahu Brithaa Sajan Sou Jaaeee ॥5॥

ਸਖੀ ਤੁਰਤ ਤਿਨ ਤਹ ਪਹੁਚਾਯੋ ॥

Sakhee Turta Tin Taha Pahuchaayo ॥

ਜਸ ਨਾਵਕ ਕੋ ਤੀਰ ਚਲਾਯੋ ॥

Jasa Naavaka Ko Teera Chalaayo ॥

ਸਕਲ ਕੁਅਰਿ ਤਿਨ ਬ੍ਰਿਥਾ ਸੁਨਾਈ ॥

Sakala Kuari Tin Brithaa Sunaaeee ॥

ਮਨ ਬਚ ਰੀਝਿ ਰਹਾ ਸੁਖਦਾਈ ॥੬॥

Man Bacha Reejhi Rahaa Sukhdaaeee ॥6॥

ਨਦੀ ਬਹਤ ਨ੍ਰਿਪ ਗ੍ਰਿਹਿ ਤਰ ਜਹਾਂ ॥

Nadee Bahata Nripa Grihi Tar Jahaan ॥

ਠਾਂਢ ਹੂਜਿਯਹੁ ਨਿਸਿ ਕਹ ਤਹਾਂ ॥

Tthaandha Hoojiyahu Nisi Kaha Tahaan ॥

ਡਾਰਿ ਦੇਗ ਮੈ ਕੁਅਰਿ ਬਹੈ ਹੈਂ ॥

Daari Dega Mai Kuari Bahai Hain ॥

ਛਿਦ੍ਰ ਮੂੰਦਿ ਤਾ ਕੋ ਸਭ ਲੈ ਹੈਂ ॥੭॥

Chhidar Mooaandi Taa Ko Sabha Lai Hain ॥7॥

ਊਪਰ ਬਾਧਿ ਤੰਬੂਰਾ ਦੈ ਹੈਂ ॥

Aoopra Baadhi Taanbooraa Dai Hain ॥

ਇਹ ਚਰਿਤ੍ਰ ਮੁਹਿ ਤਾਹਿ ਮਿਲੈ ਹੈਂ ॥

Eih Charitar Muhi Taahi Milai Hain ॥

ਜਬ ਤੁਬਰੀ ਲਖਿਯਹੁ ਢਿਗ ਆਈ ॥

Jaba Tubaree Lakhiyahu Dhiga Aaeee ॥

ਕਾਢਿ ਭੋਗ ਦੀਜਹੁ ਸੁਖਦਾਈ ॥੮॥

Kaadhi Bhoga Deejahu Sukhdaaeee ॥8॥

ਇਹ ਬਿਧਿ ਬਦਿ ਤਾ ਸੌ ਸੰਕੇਤਾ ॥

Eih Bidhi Badi Taa Sou Saanketaa ॥

ਦੂਤੀ ਗੀ ਨ੍ਰਿਪ ਤ੍ਰਿਯਜ ਨਿਕੇਤਾ ॥

Dootee Gee Nripa Triyaja Niketaa ॥

ਡਾਰਿ ਦੇਗ ਮੈ ਕੁਅਰਿ ਬਹਾਈ ॥

Daari Dega Mai Kuari Bahaaeee ॥

ਬਾਧਿ ਤੂੰਬਰੀ ਤਹ ਪਹੁਚਾਈ ॥੯॥

Baadhi Tooaanbaree Taha Pahuchaaeee ॥9॥

ਜਬ ਬਹਤੀ ਤੁਬਰੀ ਤਹ ਆਈ ॥

Jaba Bahatee Tubaree Taha Aaeee ॥

ਆਵਤ ਕੁਅਰਿ ਲਖਾ ਸੁਖਦਾਈ ॥

Aavata Kuari Lakhaa Sukhdaaeee ॥

ਐਂਚਿ ਤਹਾਂ ਤੇ ਦੇਗ ਨਿਕਾਰੀ ॥

Aainachi Tahaan Te Dega Nikaaree ॥

ਲੈ ਪਲਕਾ ਊਪਰ ਬੈਠਾਰੀ ॥੧੦॥

Lai Palakaa Aoopra Baitthaaree ॥10॥

ਪੋਸਤ ਭਾਂਗ ਅਫੀਮ ਮੰਗਾਈ ॥

Posata Bhaanga Apheema Maangaaeee ॥

ਦੁਹੂੰ ਖਾਟ ਪਰ ਬੈਠਿ ਚੜਾਈ ॥

Duhooaan Khaatta Par Baitthi Charhaaeee ॥

ਚਾਰਿ ਪਹਰ ਤਾ ਸੌ ਕਰਿ ਭੋਗਾ ॥

Chaari Pahar Taa Sou Kari Bhogaa ॥

ਭੇਦ ਨ ਲਖਾ ਦੂਸਰੇ ਲੋਗਾ ॥੧੧॥

Bheda Na Lakhaa Doosare Logaa ॥11॥

ਇਹ ਬਿਧਿ ਤਾ ਸੌ ਰੋਜ ਬੁਲਾਵੈ ॥

Eih Bidhi Taa Sou Roja Bulaavai ॥

ਕਾਮ ਭੋਗ ਕਰਿ ਤਾਹਿ ਪਠਾਵੈ ॥

Kaam Bhoga Kari Taahi Patthaavai ॥

ਭੂਪ ਸਹਿਤ ਕੋਈ ਭੇਦ ਨ ਪਾਵੈ ॥

Bhoop Sahita Koeee Bheda Na Paavai ॥

ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਸਤਾਵਨ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੫੭॥੬੫੫੩॥ਅਫਜੂੰ॥

Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Sataavan Charitar Samaapatama Satu Subhama Satu ॥357॥6553॥aphajooaan॥