ਚੌਪਈ ॥
Choupaee ॥
ਚਿਤ੍ਰ ਕੇਤੁ ਰਾਜਾ ਇਕ ਪੂਰਬ ॥
Chitar Ketu Raajaa Eika Pooraba ॥
ਜਿਹ ਬਚਿਤ੍ਰ ਰਥ ਪੁਤ੍ਰ ਅਪੂਰਬ ॥
Jih Bachitar Ratha Putar Apooraba ॥
ਚਿਤ੍ਰਾਪੁਰ ਨਗਰ ਤਿਹ ਸੋਹੈ ॥
Chitaraapur Nagar Tih Sohai ॥
ਜਿਹ ਢਿਗ ਦੇਵ ਦੈਤ ਪੁਰ ਕੋ ਹੈ ॥੧॥
Jih Dhiga Dev Daita Pur Ko Hai ॥1॥
ਸ੍ਰੀ ਕਟਿ ਉਤਿਮ ਦੇ ਤਿਹ ਨਾਰੀ ॥
Sree Katti Autima De Tih Naaree ॥
ਸੂਰਜ ਵਤ ਤਿਹ ਧਾਮ ਦੁਲਾਰੀ ॥
Sooraja Vata Tih Dhaam Dulaaree ॥
ਜਿਹ ਸਮ ਸੁੰਦਰਿ ਨਾਰਿ ਨ ਕੋਈ ॥
Jih Sama Suaandari Naari Na Koeee ॥
ਆਗੇ ਭਈ ਨ ਪਾਛੇ ਹੋਈ ॥੨॥
Aage Bhaeee Na Paachhe Hoeee ॥2॥
ਬਾਨੀ ਰਾਇ ਤਹਾ ਇਕ ਸਾਹਾ ॥
Baanee Raaei Tahaa Eika Saahaa ॥
ਜਿਹ ਮੁਖੁ ਸਮ ਸੁੰਦਰਿ ਨਹਿ ਮਾਹਾ ॥
Jih Mukhu Sama Suaandari Nahi Maahaa ॥
ਸ੍ਰੀ ਗੁਲਜਾਰ ਰਾਇ ਸੁਤ ਤਾ ਕੇ ॥
Sree Gulajaara Raaei Suta Taa Ke ॥
ਦੇਵ ਦੈਤ ਕੋਇ ਤੁਲਿ ਨ ਵਾ ਕੇ ॥੩॥
Dev Daita Koei Tuli Na Vaa Ke ॥3॥
ਰਾਜ ਸੁਤਾ ਤਾ ਕੋ ਲਖਿ ਰੂਪਾ ॥
Raaja Sutaa Taa Ko Lakhi Roopaa ॥
ਮੋਹਿ ਰਹੀ ਮਨ ਮਾਹਿ ਅਨੂਪਾ ॥
Mohi Rahee Man Maahi Anoopaa ॥
ਏਕ ਸਹਚਰੀ ਤਹਾ ਪਠਾਈ ॥
Eeka Sahacharee Tahaa Patthaaeee ॥
ਜਿਹ ਤਿਹ ਭਾਂਤਿ ਤਹਾ ਲੈ ਆਈ ॥੪॥
Jih Tih Bhaanti Tahaa Lai Aaeee ॥4॥
ਮਿਲਤ ਕੁਅਰਿ ਤਾ ਸੌ ਸੁਖੁ ਪਾਯੋ ॥
Milata Kuari Taa Sou Sukhu Paayo ॥
ਭਾਂਤਿ ਭਾਂਤਿ ਮਿਲਿ ਭੋਗ ਕਮਾਯੋ ॥
Bhaanti Bhaanti Mili Bhoga Kamaayo ॥
ਚੁੰਬਨ ਭਾਂਤਿ ਭਾਂਤਿ ਕੇ ਲੀਏ ॥
Chuaanban Bhaanti Bhaanti Ke Leeee ॥
ਭਾਂਤਿ ਅਨਿਕ ਕੇ ਆਸਨ ਕੀਏ ॥੫॥
Bhaanti Anika Ke Aasan Keeee ॥5॥
ਤਬ ਲਗਿ ਮਾਤ ਪਿਤਾ ਤਹ ਆਯੋ ॥
Taba Lagi Maata Pitaa Taha Aayo ॥
ਨਿਰਖਿ ਸੁਤਾ ਚਿਤ ਮੈ ਦੁਖ ਪਾਯੋ ॥
Nrikhi Sutaa Chita Mai Dukh Paayo ॥
ਕਿਹ ਛਲ ਸੌ ਇਹ ਦੁਹੂੰ ਸੰਘਾਰੋ ॥
Kih Chhala Sou Eih Duhooaan Saanghaaro ॥
ਛਤ੍ਰ ਜਾਰ ਕੇ ਸਿਰ ਪਰ ਢਾਰੋ ॥੬॥
Chhatar Jaara Ke Sri Par Dhaaro ॥6॥
ਦੁਹੂੰਅਨ ਕੇ ਫਾਸੀ ਗਰੁ ਡਾਰੀ ॥
Duhooaann Ke Phaasee Garu Daaree ॥
ਪਿਤਾ ਸਹਿਤ ਮਾਤਾ ਹਨਿ ਡਾਰੀ ॥
Pitaa Sahita Maataa Hani Daaree ॥
ਫਾਸ ਕੰਠ ਤੇ ਲਈ ਨਕਾਰੀ ॥
Phaasa Kaanttha Te Laeee Nakaaree ॥
ਬੋਲਿ ਲੋਗ ਸਭ ਐਸ ਉਚਾਰੀ ॥੭॥
Boli Loga Sabha Aaisa Auchaaree ॥7॥
ਇਨ ਦੁਹੂੰ ਜੋਗ ਸਾਧਨਾ ਸਾਧੀ ॥
Ein Duhooaan Joga Saadhanaa Saadhee ॥
ਨ੍ਰਿਪ ਰਾਨੀ ਜੁਤ ਪਵਨ ਅਰਾਧੀ ॥
Nripa Raanee Juta Pavan Araadhee ॥
ਬਾਰਹ ਬਰਿਸ ਬੀਤ ਹੈ ਜਬ ਹੀ ॥
Baaraha Barisa Beet Hai Jaba Hee ॥
ਜਗਿ ਹੈ ਛਾਡਿ ਤਾਰਿਯਹਿ ਤਬ ਹੀ ॥੮॥
Jagi Hai Chhaadi Taariyahi Taba Hee ॥8॥
ਤਬ ਲਗਿ ਤਾਤ ਦਿਯਾ ਮੁਹਿ ਰਾਜਾ ॥
Taba Lagi Taata Diyaa Muhi Raajaa ॥
ਰਾਜ ਸਾਜ ਕਾ ਸਕਲ ਸਮਾਜਾ ॥
Raaja Saaja Kaa Sakala Samaajaa ॥
ਤਬ ਲਗਿ ਤਾ ਕੋ ਰਾਜ ਕਮੈ ਹੋ ॥
Taba Lagi Taa Ko Raaja Kamai Ho ॥
ਜਬ ਜਗ ਹੈ ਤਾ ਕੌ ਤਬ ਦੈ ਹੋ ॥੯॥
Jaba Jaga Hai Taa Kou Taba Dai Ho ॥9॥
ਇਹ ਛਲ ਤਾਤ ਮਾਤ ਕਹ ਘਾਈ ॥
Eih Chhala Taata Maata Kaha Ghaaeee ॥
ਲੋਗਨ ਸੌ ਇਹ ਭਾਂਤਿ ਜਨਾਈ ॥
Logan Sou Eih Bhaanti Janaaeee ॥
ਜਬ ਅਪਨੋ ਦ੍ਰਿੜ ਰਾਜ ਪਕਾਯੋ ॥
Jaba Apano Drirha Raaja Pakaayo ॥
ਛਤ੍ਰ ਮਿਤ੍ਰ ਕੇ ਸੀਸ ਫਿਰਾਯੋ ॥੧੦॥
Chhatar Mitar Ke Seesa Phiraayo ॥10॥