ਚੌਪਈ ॥
Choupaee ॥
ਸਰਬ ਸਿੰਘ ਰਾਜਾ ਇਕ ਸੋਹੈ ॥
Sarba Siaangha Raajaa Eika Sohai ॥
ਸਰਬ ਸਿੰਧੁ ਪੁਰ ਗੜ ਜਿਹ ਕੋ ਹੈ ॥
Sarba Siaandhu Pur Garha Jih Ko Hai ॥
ਸ੍ਰੀ ਦਲ ਥੰਭੁ ਸੁਜਾਨ ਪੁਤ੍ਰ ਤਿਹ ॥
Sree Dala Thaanbhu Sujaan Putar Tih ॥
ਸੁੰਦਰ ਅਵਰ ਨ ਭਯੋ ਤੁਲਿ ਜਿਹ ॥੧॥
Suaandar Avar Na Bhayo Tuli Jih ॥1॥
ਦੁਸਟ ਸਿੰਘ ਤਾ ਕੌ ਭ੍ਰਾਤਾ ਭਨਿ ॥
Dustta Siaangha Taa Kou Bharaataa Bhani ॥
ਦੁਤਿਯ ਚੰਦ੍ਰ ਜਾਨਾ ਸਭ ਲੋਗਨ ॥
Dutiya Chaandar Jaanaa Sabha Logan ॥
ਰੂਪਵਾਨ ਗੁਨਵਾਨ ਭਨਿਜੈ ॥
Roopvaan Gunavaan Bhanijai ॥
ਕਵਨ ਸੁਘਰ ਸਮ ਤਾਹਿ ਕਹਿਜੈ ॥੨॥
Kavan Sughar Sama Taahi Kahijai ॥2॥
ਸ੍ਰੀ ਸੁਜੁਲਫ ਦੇ ਸਾਹ ਦੁਲਾਰੀ ॥
Sree Sujulapha De Saaha Dulaaree ॥
ਜਿਹ ਸਮਾਨ ਨਹਿ ਦੇਵ ਕੁਮਾਰੀ ॥
Jih Samaan Nahi Dev Kumaaree ॥
ਰਾਜ ਕੁਅਰਿ ਨਿਰਖਾ ਤਿਹ ਜਬ ਹੀ ॥
Raaja Kuari Nrikhaa Tih Jaba Hee ॥
ਲਗਗੀ ਲਗਨ ਨਿਗੌਡੀ ਤਬ ਹੀ ॥੩॥
Lagagee Lagan Nigoudee Taba Hee ॥3॥
ਹਿਤੂ ਜਾਨਿ ਸਹਚਰੀ ਬੁਲਾਈ ॥
Hitoo Jaani Sahacharee Bulaaeee ॥
ਭੇਦ ਭਾਖਿ ਤਿਹ ਠੌਰ ਪਠਾਈ ॥
Bheda Bhaakhi Tih Tthour Patthaaeee ॥
ਰਾਜ ਕੁਅਰ ਤਿਹ ਹਾਥ ਨ ਆਯੋ ॥
Raaja Kuar Tih Haatha Na Aayo ॥
ਇਹ ਬਿਧਿ ਉਹਿ ਇਹ ਆਨਿ ਸੁਨਾਯੋ ॥੪॥
Eih Bidhi Auhi Eih Aani Sunaayo ॥4॥
ਸਾਹੁ ਸੁਤਾ ਬਹੁ ਜਤਨ ਥਕੀ ਕਰਿ ॥
Saahu Sutaa Bahu Jatan Thakee Kari ॥
ਗਯੋ ਨ ਮੀਤ ਕੈਸੇਹੂੰ ਤਿਹ ਘਰ ॥
Gayo Na Meet Kaisehooaan Tih Ghar ॥
ਬੀਰ ਹਾਕਿ ਇਕ ਤਹਾ ਪਠਾਯੋ ॥
Beera Haaki Eika Tahaa Patthaayo ॥
ਸੋਤ ਸੇਜ ਤੇ ਗਹਿ ਪਟਕਾਯੋ ॥੫॥
Sota Seja Te Gahi Pattakaayo ॥5॥
ਟੰਗਰੀ ਭੂਤ ਕਬੈ ਗਹਿ ਲੇਈ ॥
Ttaangaree Bhoota Kabai Gahi Leeee ॥
ਕਬਹੂੰ ਡਾਰਿ ਸੇਜ ਪਰ ਦੇਈ ॥
Kabahooaan Daari Seja Par Deeee ॥
ਅਧਿਕ ਤ੍ਰਾਸ ਦੇ ਤਾਹਿ ਪਛਾਰਾ ॥
Adhika Taraasa De Taahi Pachhaaraa ॥
ਉਹਿ ਡਰਿ ਜਿਯ ਤੇ ਮਾਰਿ ਨ ਡਾਰਾ ॥੬॥
Auhi Dari Jiya Te Maari Na Daaraa ॥6॥
ਰੈਨਿ ਸਿਗਰ ਤਿਹ ਸੋਨ ਨ ਦਿਯੋ ॥
Raini Sigar Tih Sona Na Diyo ॥
ਨ੍ਰਿਪ ਸੁਤ ਕਹ ਤ੍ਰਾਸਿਤ ਬਹੁ ਕਿਯੋ ॥
Nripa Suta Kaha Taraasita Bahu Kiyo ॥
ਚਲੀ ਖਬਰਿ ਰਾਜਾ ਪ੍ਰਤਿ ਆਈ ॥
Chalee Khbari Raajaa Parti Aaeee ॥
ਭੂਤ ਨਾਸ ਕਰ ਲਏ ਬੁਲਾਈ ॥੭॥
Bhoota Naasa Kar Laee Bulaaeee ॥7॥
ਭੂਤ ਹਤਾ ਇਕ ਮੰਤ੍ਰ ਉਚਾਰੈ ॥
Bhoota Hataa Eika Maantar Auchaarai ॥
ਬੀਸ ਮੰਤ੍ਰ ਪੜਿ ਬੀਰ ਪੁਕਾਰੈ ॥
Beesa Maantar Parhi Beera Pukaarai ॥
ਕਿਸਹੂੰ ਪਕਰਿ ਚੀਰਿ ਕਰਿ ਦੇਈ ॥
Kisahooaan Pakari Cheeri Kari Deeee ॥
ਕਾਹੂੰ ਪਕਰਿ ਰਾਨ ਤਰ ਲੇਈ ॥੮॥
Kaahooaan Pakari Raan Tar Leeee ॥8॥
ਜਬ ਸਭ ਸਕਲ ਮੰਤ੍ਰ ਕਰਿ ਹਾਰੇ ॥
Jaba Sabha Sakala Maantar Kari Haare ॥
ਤਬ ਇਹ ਬਿਧਿ ਤਨ ਬੀਰ ਪੁਕਾਰੇ ॥
Taba Eih Bidhi Tan Beera Pukaare ॥
ਜੇ ਗੁਰ ਮੋਰ ਇਹਾ ਚਲਿ ਆਵੈ ॥
Je Gur Mora Eihaa Chali Aavai ॥
ਰਾਜ ਕੁਅਰ ਤਬ ਹੀ ਸੁਖ ਪਾਵੈ ॥੯॥
Raaja Kuar Taba Hee Sukh Paavai ॥9॥
ਸੁਨਤ ਬਚਨ ਰਾਜਾ ਪਗ ਪਰੇ ॥
Sunata Bachan Raajaa Paga Pare ॥
ਬਹੁ ਉਸਤਤਿ ਕਰਿ ਬਚਨ ਉਚਰੇ ॥
Bahu Austati Kari Bachan Auchare ॥
ਕਹਾ ਤੋਰ ਗੁਰ ਮੋਹਿ ਬਤੈਯੈ ॥
Kahaa Tora Gur Mohi Bataiyai ॥
ਜਿਹ ਤਿਹ ਭਾਂਤਿ ਤਾਹਿ ਹ੍ਯਾ ਲ੍ਯੈਯੈ ॥੧੦॥
Jih Tih Bhaanti Taahi Haiaa Laiaiyai ॥10॥
ਜਵਨ ਪੁਰਖ ਕਾ ਨਾਮ ਬਤਾਯੋ ॥
Javan Purkh Kaa Naam Bataayo ॥
ਨਾਰਿ ਤਿਸੀ ਕਾ ਭੇਸ ਬਨਾਯੋ ॥
Naari Tisee Kaa Bhesa Banaayo ॥
ਨ੍ਰਿਪਹਿ ਠੌਰ ਭਾਖਤ ਭਯੋ ਜਹਾਂ ॥
Nripahi Tthour Bhaakhta Bhayo Jahaan ॥
ਬੈਠੀ ਜਾਹਿ ਚੰਚਲਾ ਤਹਾਂ ॥੧੧॥
Baitthee Jaahi Chaanchalaa Tahaan ॥11॥
ਬਚਨ ਸੁਨਤ ਤਹ ਭੂਪ ਸਿਧਾਰਿਯੋ ॥
Bachan Sunata Taha Bhoop Sidhaariyo ॥
ਤਿਹੀ ਰੂਪ ਤਰ ਪੁਰਖ ਨਿਹਾਰਿਯੋ ॥
Tihee Roop Tar Purkh Nihaariyo ॥
ਜਿਹ ਤਿਹ ਬਿਧ ਤਾ ਕੌ ਬਿਰਮਾਯੋ ॥
Jih Tih Bidha Taa Kou Brimaayo ॥
ਅਪੁਨੇ ਧਾਮ ਤਾਹਿ ਲੈ ਆਯੋ ॥੧੨॥
Apune Dhaam Taahi Lai Aayo ॥12॥
ਰਾਜ ਕੁਅਰ ਤਾ ਕਹ ਦਰਸਾਯੋ ॥
Raaja Kuar Taa Kaha Darsaayo ॥
ਬਚਨ ਤਾਹਿ ਇਹ ਭਾਂਤਿ ਸੁਨਾਯੋ ॥
Bachan Taahi Eih Bhaanti Sunaayo ॥
ਯੌ ਇਹ ਤ੍ਰਿਯ ਪਤਿਬ੍ਰਤਾ ਬਰੈ ॥
You Eih Triya Patibartaa Bari ॥
ਤਊ ਬਚੈ ਯਹ ਯੌ ਨ ਉਬਰੈ ॥੧੩॥
Taoo Bachai Yaha You Na Aubari ॥13॥
ਕਰਤ ਕਰਤ ਬਹੁ ਬਚਨ ਬਤਾਯੋ ॥
Karta Karta Bahu Bachan Bataayo ॥
ਸਾਹੁ ਸੁਤਾ ਕੇ ਨਾਮੁ ਜਤਾਯੋ ॥
Saahu Sutaa Ke Naamu Jataayo ॥
ਸੋ ਪਤਿਬ੍ਰਤਾ ਤਾਹਿ ਬਿਵਾਵਹੁ ॥
So Patibartaa Taahi Bivaavahu ॥
ਜੌ ਨ੍ਰਿਪ ਸੁਤਹਿ ਜਿਯਾਯੋ ਚਾਹਹੁ ॥੧੪॥
Jou Nripa Sutahi Jiyaayo Chaahahu ॥14॥
ਜੌ ਯਹ ਤਾਹਿ ਬ੍ਯਾਹਿ ਲ੍ਯਾਵੈ ॥
Jou Yaha Taahi Baiaahi Laiaavai ॥
ਰੈਨਿ ਦਿਵਸ ਤਾ ਸੋ ਲਪਟਾਵੈ ॥
Raini Divasa Taa So Lapattaavai ॥
ਅਵਰ ਨਾਰਿ ਕੇ ਨਿਕਟ ਨ ਜਾਇ ॥
Avar Naari Ke Nikatta Na Jaaei ॥
ਤਬ ਯਹ ਜਿਯੈ ਕੁਅਰ ਸੁਭ ਕਾਇ ॥੧੫॥
Taba Yaha Jiyai Kuar Subha Kaaei ॥15॥
ਯਹੈ ਕਾਰ ਰਾਜਾ ਤੁਮ ਕੀਜੈ ॥
Yahai Kaara Raajaa Tuma Keejai ॥
ਅਬ ਹੀ ਹਮਹਿ ਬਿਦਾ ਕਰਿ ਦੀਜੈ ॥
Aba Hee Hamahi Bidaa Kari Deejai ॥
ਲੈ ਆਗ੍ਯਾ ਤਿਹ ਆਸ੍ਰਮ ਗਈ ॥
Lai Aagaiaa Tih Aasarma Gaeee ॥
ਧਾਰਤ ਭੇਸ ਨਾਰਿ ਕਾ ਭਈ ॥੧੬॥
Dhaarata Bhesa Naari Kaa Bhaeee ॥16॥
ਰਾਜ ਸਾਜ ਬ੍ਯਾਹ ਕੌ ਬਨਾਯੋ ॥
Raaja Saaja Baiaaha Kou Banaayo ॥
ਸਾਹ ਸੁਤਾ ਹਿਤ ਪੂਤ ਪਠਾਯੋ ॥
Saaha Sutaa Hita Poota Patthaayo ॥
ਜਬ ਹੀ ਬ੍ਯਾਹ ਤਵਨ ਸੌ ਭਯੋ ॥
Jaba Hee Baiaaha Tavan Sou Bhayo ॥
ਤਬ ਹੀ ਤਾਹਿ ਭੂਤ ਤਜਿ ਗਯੋ ॥੧੭॥
Taba Hee Taahi Bhoota Taji Gayo ॥17॥
ਰਾਜ ਕੁਅਰ ਇਹ ਛਲ ਸੌ ਪਾਯੋ ॥
Raaja Kuar Eih Chhala Sou Paayo ॥
ਭੇਦ ਅਭੇਦ ਨ ਕਿਸੀ ਬਤਾਯੋ ॥
Bheda Abheda Na Kisee Bataayo ॥
ਚੰਚਲਾਨ ਕੇ ਚਰਿਤ ਅਪਾਰਾ ॥
Chaanchalaan Ke Charita Apaaraa ॥
ਚਕ੍ਰਿਤ ਰਹਾ ਕਰਿ ਕਰਿ ਕਰਤਾਰਾ ॥੧੮॥
Chakrita Rahaa Kari Kari Kartaaraa ॥18॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਤੀਨ ਸੌ ਪਚਾਨਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤੁ ॥੩੯੫॥੭੦੩੩॥ਅਫਜੂੰ॥
Eiti Sree Charitar Pakhiaane Triyaa Charitare Maantaree Bhoop Saanbaade Teena Sou Pachaanvo Charitar Samaapatama Satu Subhama Satu ॥395॥7033॥aphajooaan॥