अरथ :उह केहड़ा मनुॱख है जो माइआ दे बंधनां तों आज़ाद रहिंदा है ते प्रभू दे चरनां विच
जुड़िआ रहिंदा है? उह केहड़ा मनुॱख है जो परमातमा नाल डूंघी सांझ पाई रॱखदा है ते उस दी
सिफ़ति-सालाह करदा रहिंदा है? (सुचॱजा) ग्रिहसती कौण हो सकदा है? माइआ तों निरलेप कौण
है? उह केहड़ा मनुॱख है जो (मनुॱखा जनम दी) कदर समझदा है?।१।

मनुॱख (माइआ दे मोह दे बंधनां विच) किवें बॱझ जांदा है ते किवें (उहनां बंधनां तों) सुतंतर हुंदा
है? किस तरीके नाल जनम मरन दा गेड़ मुॱकदा है? सुचॱजे कंम केहड़े हन? उह केहड़ा मनुॱख है
जो दुनीआ विच विचरदा होइआ भी वासना-रहित है? उह केहड़ा मनुॱख है जो आप सिफ़ति-
सालाह करदा है ते (होरनां पासों) करांदा है? ।२।

सुखी जीवन वाला कौण है? कौण दुॱखां विच घिरिआ होइआ है? सनमुख किस किहा जांदा है?
बेमुख किस आखीदा है? प्रभू-चरनां विच किस तर्हां मिल सकीदा है? मनुॱख प्रभू तों किवें विॱछुड़
जांदा है? इह जाच कौण सिखांदा है? ।३।

उह केहड़ा शबद है जिस दी राहीं विकारां वल दौड़दा मन टिक जांदा है? उह केहड़ा उपदेश है
जिस उॱते तुर के मनुॱख दुॱख सुख इको जिहे सहार सकदा है? उह केहड़ा जीवन-ढंग है जिस नाल
मनुॱख परमातमा सिमर सके? किस तर्हां परमातमा दी सिफ़ति-सालाह करदा रहे? ।४।

गुरू दे दॱसे राह ते तुरन वाला मनुॱख माइआ दे बंधनां तों आज़ाद रहिंदा है ते परमातमा दी याद
विच जुड़िआ रहिंदा है । गुरू दी सरन विच रहिण वाला मनुॱख ही परमातमा नाल डूंघी सांझ पांदा
है ते प्रभू दी सिफ़ति-सालाह करदा है । गुरू दे सनमुख रहिण वाला मनुॱख ही भागांवाला ग्रिहसत
है, उह दुनीआ दी किरत-कार करदा होइआ भी निरलेप रहिंदा है । उही मनुॱखा जनम दी कदर
समझदा है ।५।

(आपणे मन दे पिॱछे तुर के मनुॱख आपणी ही) हउमै दे कारन (माइआ दे बंधनां विच) बॱझ जांदा
है, गुरू दी सरन पै के (इहनां बंधनां तों) आज़ाद हो जांदा है । गुरू दे दॱसे राह उॱते तुरिआं
मनुॱख दा जनम मरन दा गेड़ मुॱक जांदा है । गुरू दे सनमुख रहि के ही सुचॱजे कंम हो सकदे हन ।
गुरू दे सनमुख रहिण वाला मनुॱख दुनीआ दी किरत-कार करदा होइआ ही वासना रहित रहिंदा
है । अजेहा मनुॱख जो कुझ भी करदा है प्रभू दे प्रेम विच टिक के करदा है ।६।

गुरू दे सनमुख रहिण वाला मनुॱख सुखी जीवन वाला है, पर आपणे मन दे पिॱछे तुरन वाला मनुॱख
निॱत दुखी रहिंदा है । गुरू दे दॱसे राह ते तुरन वाला मनुॱख परमातमा वल मूंह रॱखण वाला है,
आपणे मन दे पिॱछे तुरन वाला बंदा रॱब वलों मूंह मोड़ी रॱखदा है । गुरू दे सनमुख रिहां परमातमा
मिल सकीदा है, आपणे मन दे पिॱछे तुरन वाला बंदा परमातमा तों विॱछुड़ जांदा है । गुरू दे
सनमुख रहिण वाला मनुॱख ही (सही जीवन दी) जाच सिखांदा है ।७।

गुरू दे मूंहों निकलिआ शबद ही उह बोल है जिस दी बरकति नाल विकारां वल दौड़दा मन खलोजांदा है, गुरू तों मिलिआ उपदेश ही (इह समरॱथा रॱखदा है कि मनुॱख उस दे आसरे) दुख सुख
इको जिहा कर के सहारदा है । गुरू दे राह ते तुरना ही अजेही जीवन चाल है कि इस दी राहीं
मनुॱख परमातमा दा धिआन धर सकदा है ते परमातमा दी सिफ़ति-सालाह करदा है ।८।